បន្ទាយមានជ័យ ៖ ជនសង្ស័យចំនួន៥នាក់ និងវត្ថុតាងថ្នាំញៀន ទម្ងន់ជិត១គីឡូក្រាម ត្រូវបានកម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបន្ទាយមានជ័យ រៀបចំសំណុំរឿងបញ្ជូនខ្លួនទៅសាលាដំបូងខេត្តបន្ទាយមានជ័យ ដើម្បីចាត់ការតាមនិតិវិធី នៅថ្ងៃទី៩ ខែកញ្ញា ឆ្នាំ២០២២នេះ ។

លោកវរសេនីយ៍ឯក ធិន ស៊ិនដេត ស្នងការរង ទទួលការងារប្រឆាំងបទល្មើសគ្រឿងញៀន បានឲ្យដឹងថា ជនសង្ស័យទាំង៥នាក់ ត្រូវបានបង្រ្កាបកាលពីថ្ងៃទី៧ ខែកញ្ញា ឆ្នាំ២០២២ នៅក្នុងភូមិសាស្រ្តស្រុកចំនួន២។

វរសេនីយ៍ឯក ធិន ស៊ិនដេត បានបញ្ជាក់បន្ថែមថា ក្នុងកិច្ចប្រតិបត្តិការទាំង២ ស្រុកនេះ នគរបាល បានដកហូតវត្ថុតាងរួមមាន ៖ គោលដៅទី១-ម្សៅក្រាម សថ្លា ១កូនថង់ ថ្លឹងសាច់ថ្នាំសុទ្ធ ទម្ងន់ ០.៥៨ក្រាម ទូរសព្ឌដៃ២គ្រឿង និងគោលដៅទី២-ម្សៅក្រាមពណ៌ សថ្លា ចំនួន១១ថង់ (ថង់ធំ៧ និងតូច៤) ច្រកចូលក្នុងថង់តែ១ ទម្ងន់៧១៤.២២ក្រាម ថ្លឹងសាច់ថ្នាំសុទ្ធ, ជញ្ជីងថ្លឹង១, ឧបរណ៍កែច្នៃសម្រាប់ជក់មួយចំនួន និងទូរសព្ឌដៃ៣គ្រឿង ។

បច្ចុប្បន្ន ជនសង្ស័យទាំង៥នាក់ និងវត្ថុតាង ត្រូវបានកម្លាំងជំនាញកសាងសំណុំរឿងបញ្ជូន ទៅសាលាដំបូងខេត្តបន្ទាយមានជ័យ ដើម្បីចាត់ការតាមនីតិវិធី ៕

អត្ថបទ៖លាង ឡា