បន្ទាយមានជ័យ៖ របាយការណ៍របស់ក្រសួងធនធានទឹកនិងឧតុនិយមបានឱ្យដឹងថា ស្ថានភាពទឹកនៅខេត្តបន្ទាយមានជ័យនាថ្ងៃទី៥ ខែកញ្ញា ឆ្នាំ២០២២នេះ មិនមានជំនន់ទឹកភ្លៀងនោះឡើយហើយទឹកហូរមកពីប្រទេសថៃក៏ពុំទាន់កើតមានគួរឱ្យកត់សម្គាល់ដែរ ប៉ុន្តែស្ថានភាពទឹកនៅកន្លែងខ្លះស្ថិតក្នុងការប្រុងប្រយ័ត្ន។
យោងតាមរបាយការណ៍របស់ក្រសួងធនធានទឹកនិងឧតុនិយមបានឱ្យដឹងថា ស្ថានភាពទឹកច្រកទឹកអូរស្ពានស្ថិតក្នុងស្រុកម៉ាលៃគឺមានកម្ពស់ទឹក១.៣ម៉ែត្រ ទទឹងអូរ ១២ម៉ែត្រ និងពុំមានជំនន់ទេខណៈអាកាសធាតុមេឃស្រឡះ, ស្ថានភាពទឹកអូរល្ហុងនៅក្រុងប៉ោយប៉ែតស្ថិតក្នុងកម្រិតកម្ពស់៥.១ម៉ែត្រ (កំពស់ប្រុងប្រយ័ត្ន ៥.៥ ម៉ែត្រ) មានទឹកហូរធម្មតាជាទឹកភ្លៀងក្នុងស្រុក និងទឹកភ្លៀងហូរមកប្រទេសថៃជាប់ជាយដែនអាកាសធាតុផ្ទៃមេឃស្រឡះ (ពុំមានជំនន់), ស្ថានភាពទឹកនៅអូរបីជាន់ក្នុងស្រុកអូរជ្រៅ មិនទាន់មានទឹកមកពីថៃទេ(មិនមានជំនន់ទេ)អាកាសធាតុបើកថ្ងៃ, ស្ថានភាពទឹកនៅអូរកំបុតនិងច្រកទឹកអាងក្តឹបថ្មនៅស្រុកថ្មពួកមានទឹកហូរមកពីដីថៃទឹកភ្លៀង (មិនមានជំនន់ទេ), ស្ថានភាពទឹកស្ទឹងមង្គលបូរីឡើងនៅកម្រិតកម្ពស់៥.៩ ម៉ែត្រ តែមិនមានជំនន់ទេ, ស្ថានភាពទឹកស្ទឹងក្រុងសិរីសោភ័ណឡើងនៅកម្រិតកម្ពស់៦.៧ម៉ែត្រ ខណៈកម្ពស់ប្រុងប្រយ័ត្ន៧.៥០ម៉ែត្រ, ស្ថានភាពទឹកស្ទឹងស្ពានស្រែងនៅស្រុកភ្នំស្រុកនៅកម្រិតកម្ពស់១៣.៤ម៉ែត្រ ខណៈកម្ពស់ប្រុងប្រយ័ត្ន១៤.០០ម៉ែត្រ និងស្ថានភាពទឹអាងត្រពាំថ្មស្ថិតក្នុងស្រុកភ្នំស្រុកមានកម្រិតកម្ពស់១៦.៨៩ម៉ែត្រ ខណៈកម្រិតប្រកាស១៧.៤០ម៉ែត្រ។
ក្រសួអធនធានទឹកនិងឧតុនិយមបានបញ្ជាក់ថា ស្ថានភាពទឹកជំនន់ទឹកភ្លៀងក្នុងស្រុកពុំមានឡើយប៉ុន្តែកន្លែងខ្លះទឹកច្រើនច្រូតស្រូវមិនប្រកាន់រដូវក្នុងទឹក៕
