ភ្នំពេញ៖ នាយឧត្តមសេនីយ៍ ហ៉ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជារការនៃបញ្ជារការដ្ធានអង្គរក្ស បានធ្វើលិខិតផ្លូវការស្នើសុំសម្តេចតេជោ ហ៊ុន សែន លុបឈ្មោះលោក សាន្ត ប៊ុនធឿន និងលោក ហ៊ត ប៊ូ ចេញពីក្របខណ្ឌកងយោធពលខេមរភូមិន្ទ។
នៅក្នុងលិខិតគោរពជូនសម្តេចតេជោ ហ៊ុន សែន នាយករដ្ឋមន្រ្តីកម្ពុជា នារសៀលថ្ងៃទី២១ ខែសីហា ឆ្នាំ២០២២ បានឱ្យដឹងថា នាពេលកន្លងមក នាយទាហានទាំង២រូបនេះ តែងតែបង្កហេតុធ្វើឱ្យប៉ះពាល់ដល់កិត្តិយសអង្គភាព និងមានការថ្នាំងថ្នាក់ដល់ពលរដ្ឋ ហើយអង្គភាពបានហៅមកអប់រំច្រើនលើកច្រើនសារ តែមិនព្រមកែប្រែ។
នាយឧត្តមសេនីយ៍ ហ៉ីង ប៊ុនហៀង បានលើកឡើងថា ដើម្បីជៀសវាងការលំបាក និងធ្វើឱ្យប៉ះពាល់ដល់អង្គភាពទៅថ្ងៃក្រោយបន្តទៀត គឺស្នើរលុបឈ្មោះ នាយទាហានទាំងពីរចេញពីក្របខណ្ឌកងយោធពលខេមរភូមិន្ទតែម្តង។
គួរបញ្ជាក់ថា នៅរសៀលថ្ងៃទី២១ ខែសីហា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រតិបត្តិកម្មចំពោះសកម្មភាពរបស់លោក សាន ប៊ុនធឿន ដែលតែងស៊ីផឹក និងប្រើពាក្យសម្តីមិនសមរម្យ។
សម្តេចតេជោ បានចាត់ទុកចរិតលោក សាន ប៊ុនធឿន ជាមនុស្សកែមិនឡើង និងបានបញ្ជាឱ្យមេបញ្ជាការអង្គរក្សស្នើសុំបណ្តេញចេញពីក្របខណ័្ឌកងទ័ព៕
