បទចំរៀង«ខ្លាចគេសាវាជាងបង»របស់លោកថេណាបានចេញផ្សាយជាផ្លូវការហើយនៅលើហ្វេសប៊ុកផេក​​ និងឆាណែលយូធូបផ្លូវការរបស់លោកដែលមានឈ្មេាះថា Tena Khimphun នៅវេលាម៉ោង៧យប់ កាលពីថ្ងៃទី០៥ ខែសីហាកន្លងទៅនេះ។ មុននឹងលោកថេណាបានធ្វើការបង្ហេាះបទចំរៀងពេញ លោកបានសរសេរប៉ារ៉ូលចាក់ដោតពីក្នុងបទចំរៀងនេាះប៉ុន្មានឃ្លានៅលើផេករបស់លោកដែលឆាបឆក់ទាញយកចំណាប់អារម្មណ៍ពីបណ្តាអ្នកគាំទ្ររបស់លោកជាច្រើននាក់។ ទំនុកចំរៀងនេាះមានសរសេរឡើងថា បងមិនល្អតែក៏ខ្លាចអូនជួបមនុស្សអាក្រក់មិនចង់អោយអូនជួបរឿងកខ្វក់ឆក់កំឡោចបេះដូងអូនទៀត។ លោកថេណាពិតជាមិនបានធ្វើអោយអ្នកគាំទ្ររបស់លោកខុសបំណងមែន ព្រេាះនៅពេលបទចំរៀងនេាះចេញជាផ្លូវការក៏ធ្វើអោយអ្នកគាំទ្រចែករំលែកបន្តគ្នាជាច្រើន រាប់គិតមកទល់ពេលនេះមានចំនួនអ្នកឡាចរហូតទៅ82Kនៅលើហ្វេសប៊ុក និង 31Kនៅលើយូធូបផងដែរ។ 

គួរអោយចាប់អារម្មណ៍ផងដែរឃើញថានៅលើបទចំរៀង«ខ្លាចគេសាវាជាងបង»របស់លោកថេណាមួយនេះ​​​​​​ មានសិល្បករនិង Influencersមួយចំនួនបានចូលមកសរសរបង្ហាញចំណាប់ផងដែរដូចជាលោកNeoបានខមមែននៅលើយូធូបរបស់លោកថា Really love this melody!! Its remind me of your old song “ផ្កាមួយទង៤០០០អូនជាន់ខ្ទេចខ្ទី”ចំនែក Vloggerម្នាក់ទៀតលោកHuy Sophanna ក៏បានសរសើរឡើងដែរថា Everything is sooo smooth Worth the waittt។ អ្នកនិយមចូលចិត្តស្តាប់របស់លោកថេណាពិតជាដឹងច្បាស់ហើយថាបទចំរៀងរបស់លោកគឺមានរសជាតិបែបមនោសញ្ចេតនា ផ្អែមល្ហែម ឈឺផ្សាតាមប្រភេទស្ទាយល៍ដែលយុវវ័យត្រូវការ។ បទ«ខ្លាចគេសាវាជាងបង»នេះក៏នាំរសជាតិមួយបែបទៀតសំរាប់អោយយុវវ័យសម័យថ្មីក្លែមជីវិតជាមួយការស្តាប់តន្រ្តី​​​ ទើបស្នាដៃរបស់លោកទទួលបានគាំទ្រជាច្រើនពីសំណាក់យុវវ័យ និងអ្នកគាំទ្រលើវិស័យតន្រ្តីជារួម។