Reuters-

យន្តហោះនិងនាវាចម្បាំងរបស់ចិនបានអនុវត្តិន៍ការវាយប្រហារកាលពីថ្ងៃសៅរ៍ដែលជាការប្រយុទ្ធមកលើតៃវ៉ាន់មន្ត្រីដែនកោះបាននិយាយ ក្នុងការឆ្លើយតបទៅនឹងទស្សនកិច្ចដែលធ្វើនៅទីនោះដោយប្រធានរដ្ឋសភាចិនដែលបានឃើញផងដែរថា ទីក្រុងប៉េកាំងបានបញ្ឍប់ការសន្ទនាជាមួយសហរដ្ឋអាមេរិកក្នុងវិស័យយ៉ាងច្រើន។ ការធ្វើទស្សនកិច្ចដ៏ខ្លីដែលមិនប្រកាសមុនក្នុងអំឡុងសប្តាហ៍ទៅកាន់កោះដែលកាន់កាប់ដោយខ្លួនឯងដែលអះអាងដោយចិន បានធ្វើឲ្យចិនមានការខឹងសម្បារនិងជំរុញឲ្យមានការធ្វើសមយុទ្ធយោធា ដែលពុំធ្លាប់មានពីមុនមករួមបញ្ចូលទាំងការបាញ់លិស្ទិកមីស៊ីលនៅលើទីក្រុង តៃប៉ិ។

ការធ្វើសមយុទ្ធរបស់ចិននឹងត្រូវបញ្ចប់នៅថ្ងៃត្រង់ថ្ងៃអាទិត្យ។ កាលពីព្រឹកថ្ងៃសៅរ៍ ក្រសួងការពារជាតិតៃវ៉ាន់បាននិយាយថា នាវាចម្បាំងចិនជាច្រើនគ្រឿងនិងយន្តហោះបានធ្វើបេសកកម្មនៅក្នុងច្រកតៃវ៉ាន់ដែលមានខ្លះបានឆ្លងកាត់បន្ទាត់ពុះចំកណ្តាលដែលបែងចែកសមុទ្រទនៃប្រទេសទាំង២ ដែលជាចលនាមួយធ្វើឲ្យយោធាតៃវ៉ាន់ជឿថាគឺជាការធ្វើសមយុទ្ធក្លែងបន្លំមួយវាយប្រហារមកលើដែនកោះដ៏សំខាន់តៃវ៉ាន់។ យោធាតៃវ៉ាន់បានផ្សាយនូវការព្រមាននិងបានពង្រាយយន្តហោះយកការនិងល្បាតដើម្បីត្រួតពិនិត្យ ខណៈដែលមីស៊ីលដែលនៅតាមឆ្នេរសមុទ្ទបានប្រុងប្រៀបរួចជាស្រេច។

ក្រសួងការពារជាតិតៃវ៉ាន់ក៏បាននិយាយផងដែរថា ខ្លួនបានបាញ់គ្រាប់ភ្លើងកាលពីល្ងាចថ្ងៃសុក្រដើម្បីព្រមានដ្រូនចំនួន៧គ្រឿងឲ្យចេញឲ្យឆ្ងាយនៅលើកោះ Kinmens របស់ខ្លួននិងយន្តហោះដែលគេមិនស្គាល់អត្តសញ្ញាណដែលហោះលើកោះ Matsu របស់ខ្លួន កោះទាំង២នេះបានស្ថិតនៅជិតដែនដីគោករបស់ចិនភាគខាងជើងឆៀងខាងកើតឆ្នេរសមុទ្រខាងកើតរបស់ចិន។ Pelosi បានទៅដល់តៃវ៉ាន់ល្ងាចថ្ងៃអង្គារ៍ ដែលជាទស្សនកិច្ចជាន់ខ្ពស់ទៅកាន់កោះនេះដោយមន្ត្រីសហរដ្ឋអាមេរិកក្នុងទស្សវត្សរ៍នេះ ទោះបីជាចិនបានព្រមានហើយក៏ដោយនឹងបានជំរុញឲ្យមានការឆ្លើយតបដោយខឹងសម្បារ រួមទាំងការដាក់ទ័ណ្ឌកម្មប្រឆាំងទៅនឹង​ Pelosi​​​ ផងដែរ។ រដ្ឋមន្ត្រីក្រសួងការបរទេស សហរដ្ឋអាមេរិក Antony Blinken បាននិយាយថា ទីក្រុងវ៉ាស៊ិនតោនមិនបានស្វែងរកនូវវិបត្តិលើរឿងទស្សនកិច្ចរបស់ Pelosi នៅលើកោះតៃវ៉ាន់នោះទេ។

បន្ទាប់ពីរយះពេលដ៏ខ្លីនៅពេលដែលគណៈប្រតិភូរបស់លោកស្រីបានចាកចេញទៅជប៉ុនកាលពីថ្ងៃសុក្រ ដែលជាដំណើរឈប់សុំចតចុងក្រោយក្នុងទស្សនកិច្ចនៅអាស៊ីដ៏វែង ចិនបានប្រកាសថាខ្លួននឹងបញ្ឍប់សន្ទនាជាមួយអាមេរិកនៅក្នុងវិស័យជាច្រើនរួមមានទាំងទីបញ្ជាការកងទ័ពនិងបញ្ហាបម្រែបម្រួលបរិស្ថាន។​​​ ក្រសួងការបរទេសចិនបាននិយាយថាខ្លួនបានព្យួរនូវការផ្លាស់ប្តូរទិន្ន័យនៃការប្រឆាំងទៅនឹងបទឧក្រឹដ្ឋឆ្លងដែននិងកាជួញដូរគ្រឿងញៀន។ សហរដ្ឋអាមេរិកបាននិយាយថាការឆ្លើយតបនេះពុំមានការទទួលខុសត្រូវនោះទេ។ កាលពីថ្ងៃសុក្រ ទីបញ្ជាការខាងកើតនៃកងទ័ពរំដោះប្រជាជនចិនបាននិយាយថាខ្លួនបានធ្វើនូវសមយុទ្ធជើងទឹកនិងអាកាសនៅភាគខាងកើត ខាងជើង និងខាងត្បូងឆៀងខាងលិចដើម្បីសាកល្បងកម្លាំងនៃកងទ័ពរបស់ខ្លួននៃសមត្ថភាពនៃការប្រយុទ្ធរួមគ្នាមួយ៕