Singapore -

ក្រុមហ៊ុនយក្ស Alibaba និងដៃគូរគឺក្រុមហ៊ុន Parennial Holding ដែលជាក្រុមហ៊ុនអចលនទ្រព្យដែលមានមូលដ្ឋាននៅសឹង្ហបុរីបានចាប់យកនូវកាអនុមត្តិផែនការក្នុងការសាងសង់អគារដែលមានកំពស់៦៣ជាន់នៅចំកណ្តាលទីក្រុងនៃសង្កាត់ពណិជ្ជកម្ម។​​ ជាមួយនឹងការអនុមត្តិឲ្យសាងសង់កំពស់៣០៥ម៉ែត្រដូចបានឃើញនៅក្នុងឯកសាររបស់អាជ្ញាធរអភិវឌ្ឍន៍ឡើងវិញក្នុងទីក្រុង (URA) អគារអាចនឹងមានកំពស់ខ្ពស់ជាង អគារ Guoco Tower ដែលមានកំពស់តែ២៨៤ម៉ែត្រដែលជាអគារដែលខ្ពស់ជាងគេនៅសឹង្ហបុរី។

អ្នកនាំពាក្យ URA បាននិយាយកាលពីថ្ងៃសុក្រថា ការអនុមត្តិសំរាប់អគារឲ្យមានកំពស់ ៣០៥ម៉ែត្រទៅតាមគំរូ Shelton Way គីជាការអនុញ្ញាតិដោយអាជ្ញាធរសំរាប់ការអភិវឌ្ឍនៅក្នុងសឹង្ហបុរី។ កំពស់អគារ ដែលបានអនុញ្ញាតិនេះគឺដោយអនុលោមទៅតាមតម្រូវការនៃបច្ចេកទេសក៏ដូចជាការវាយតម្លៃផងដែរដៅយមានមូលដ្ឋានផ្អែកទៅលើបរិបទនៃទីកន្លែង” អ្នកស្រីនិយាយ “ការអភិវឌ្ឍវាត្រូវតែបានកសាងដោយយោលទៅតាមការអនុមត្តិនៃគំរោងផែនការនិងគោលការណ៍ណែនាំ។

ការអភិវឌ្ឍថ្មីនេះនឹងត្រូវស្ថាបនានៅកន្លែងបច្ចប្បន្នដែលមានអគារកំពស់៥០ជាន់ដែលបានកសាងឡើងដោយអតីតក្រុមហ៊ុនដែលមានឈ្មោះល្បីដែលគេស្គាល់ថា AXA Tower នៅក្នុង Tanjong Pogar។ ទីកន្លែងនោះពីដំបូងវាជាអគាររតនាគារនៅក្នុងឆ្នាំ១៩៨៦  ដែលកាលពីមុនវាជាទីស្នាក់ការធំរបស់ក្រុមហ៊ុនវិនិយោគ Temaseak Holding។ នៅពេលដែលសាងសង់ចប់សព្វគ្រប់គំរោងការដែលគាំទ្រដោយអាលីបាបា អាចចូលរួមជាមួយនឹង Guaco Tower ដែលជាអគារតែមួយនៅក្នុងសឹង្ហបុរីដែលមានកំពស់ខ្ពស់ជាង២៨០ម៉ែត្រ។

ច្បាប់អនុញ្ញាតិដែលសសេរជាលាយល័ក្ខអក្សរចេញដោយ URA នៅថ្ងៃទី៧ខែមិថុនា បានបង្ហាញពីផែនការសំរាប់លក់រាយ ភោជនីយដ្ឋាន ការិយាល័យ សណ្ឋាគារនិងបន្ទប់សំរាប់ស្នាក់នៅ ក៏ដូចជាមានផងដែរនូវជាន់ក្រោមដីសំរាប់អ្នកដំណើរនៅក្នុងគំរោងការណ៍នេះ ដែលនឹងបោះទីតាំងស្ថិតនៅលើដីដែលមានទំហំ១៤៨,៤៥០ម៉ែត្រការ៉េ។ បើយោងទៅតាម ការអនុមត្តិរបស់ URA  ៥៩ភាគរយឬក៏ស្មើនឹងផ្ទៃដី ៨៧,៩៦៧ ម៉ែត្រការ៉េនៃវាលស្មៅនៅជាន់ក្រោមរបស់អគារនឹងត្រូវចែកដាច់សំរាប់ការប្រើប្រាស់ផ្នែកពាណិជ្ជកម្ម៕