មានការចាប់អារម្មណ៍ខ្លាំងសម្រាប់អ្នកក្នុងនិងក្រៅចមង្កោមសិល្បៈក្រោយពីតារាសម្តែង លី ឌីណា ហៅ ភីយ៉ា បានបង្ហាញរថយន្តប្រណីតទំនើបថ្មីប្លែកមួយគ្រឿងអមដោយសារយ៉ាងត្រជាក់ចិត្តធ្វើឲ្យអ្នកបានអានហើយរំភើបចិត្តជួសនាង។ ការបង្ហាញរថយន្តទំនើបថ្មីនេះស្របពេលដែលការងារសិល្បៈរបស់នាងបាន និងកំពុងមានសន្ទុះខ្លាំង ដោយមុននេះនាងបានបង្ហាញមុខក្នុងការសម្តែងក្នុងភាពយន្តភាគ និងភាពយន្តខ្នាតធំ និងភាពយន្តអប់រំជាច្រើនបន្តបន្ទាប់  ដូចជារឿង “អធិដ្ឋានស្នេហ៍” រឿង”មរណមាតា។

អ្នកដែលបានស្គាល់តារាស្រីរូបនេះសុទ្ធតែបានដឹងថា នាងពិតជាក្រាញននៀលតស៊ូខ្លាំងក្នុងអាជីពសិល្បៈជាច្រើនឆ្នាំកន្លងមកហើយ ហើយការសម្រេចបានក្តីសុបិន្តមានទាំងរថយន្តទំនើប ជម្រកសមរម្យ និងការងារស្ថេរភាពនេះ មិនមែនកើតមានឡើងដោយចៃដន្យឡើយ។ ក្រៅពីការងារសិល្បៈជាច្រើនបន្តបន្ទាប់នេះដែរ តារាស្រីរូនេះក៏ត្រូវបានគេកត់សម្គាល់ដែរថាអាចក្តាប់បានឱកាសក្លាយជាតារាតំណាងផលិតផលជាច្រើនបន្តបន្ទាប់ ជាពិសេស គឺចុងក្រោយនេះគេបានឃើញនាងត្រូវបានអ្នកលេងបណ្តាញសង្គមជាច្រើនកោតសរសើរនិងពេញចិត្តខ្លាំងលើការបង្ហាញមុខក្នុងការចូលរួមផ្សព្វផ្សាយលើផលិតផលម៉ាសព្យាបាលសរសៃសក់ យីយោ ឡាស់ថាលី (Lusstaly) ដែលជាផលិតផលរបស់ប្រតេសអ៊ីតាលី ហើយដែលត្រូវបាន និងកំពុងចែកចាយនៅកម្ពុជា ដែលជាផលិតផលនាំចូល និងចែកចាយផ្តាច់មុខ របស់តារាស្រីរូបនេះ។

ការបង្ហាញរថយន្តថ្មីប្រណីតចុងក្រោយនេះឆ្លុះបញ្ចាំងពីភាពជោគជ័យ និងរីកចម្រើនរបស់តារាស្រីរូបនេះ ។ ជាក់ស្តែងថ្មីៗនេះនាងបានបង្ហោះរូបថតជាមួយរថយន្តពណ៌កាប់ស្តាំងថ្មីរលោងស្រិល ទិញពីហាងលក់រថយន្តផ្ទាល់ដោយនាងបានទាំងភ្ជាប់ដោយសារថា”សូមអរគុណសំរាប់ការគាំទ្រដល់នាងខ្ញុំ ជាពិសេសម៉ូយៗសំណពចិត្ត ទាំងម៉ូយៗសាប៊ូ Lusstaly ម៉ូយសំលៀកបំពាក់ និងទស្សនិជន ដែលតែងតែគាំទ្រការសំដែងរបស់នាងខ្ញុំ”។  សារនិងរូបថតនេះទទួលបានការចែករំលែកច្រើនពីអ្នកគាំទ្រ និងបញ្ចេញយោបល់កោតសរសើរ និងអបអរសាទរដល់នាងជាហូរហែរផងដែរ។

ទោះជាគេឃើញតារារូបនេះ មានការរីកចម្រើនទាំងផ្នែគសិស្បៈ ទាំងមុខរបររកស៊ីក៏ដោយ ទាំង facebook ផ្ទាល់ខ្លូន និង facebook ផ្លូវការរបស់តារារូបនេះ នៅមិនទាន់បង្ហាញមុខអង្គរក្សបេះដូងនៅឡើយទេ។ ប៉ុន្តែយ៉ាងណាក៏ដោយសូមចូលរួមអបអរសាទរកញ្ញា លី ឌីណា ហៅ ភីយ៉ា ដែលអាចសម្រេចក្តីសុបិន្តរបស់ខ្លួនបាន ជូនពរអោយកញ្ញាទទួលបានភាពរីកចំរើន និងជោគជ័យបន្តទៅមុខទៀត៕