កាលពីថ្ងៃទី១ ខែក្កកដា កន្លងទៅនេះ ទស្សនិកជនប្រហែលជាជ្រាបហើយថាលោកវណ្ណដាបានបង្ហាញចំណាប់អារម្មណ៍របស់លោកអំពីការងារសិល្បៈនៅក្នុងកម្មវិធី Listening Party ដែលធ្វើឡើងនៅក្នុង Prime Cineplex ហើយមានអ្នកគាំទ្ររបស់លោកជាច្រើនប្រាកដជាបានទៅចូលរួមជាក់ជាមិនខាន។ យ៉ាងណាមិញតាមរយៈ Channel Youtube មួយដែលមានឈ្មោះ ថា Blueberry News ដែលជាហ្វេនស្មេាះស្ម័គ្ររបស់លោកហើយបានឆ្លៀតផ្តិតពាក្យសម្តីនៃព្រឹត្តិការណ៍របស់លោកវណ្ណដានិយាយនៅលើឆាកទៅកាន់អ្នកគាំទ្ររបស់លោកនៅក្នុងកម្មវិធីមួួយនេះ អេដមីនឃើញវីឌីអូបែកធ្លាយនេះហើយពិតជារំភើបខ្លាំងណាស់ ព្រេាះលោកវណ្ណដាបានប្រាប់ពីរឿងជាច្រើនទាក់ទងទៅនឹងក្រុមការងាររបស់គាត់ទៅសម្តែងនៅប្រទេសថៃថា ថ្វីត្បិតតែក្រុមការងាររបស់លោកមានចំនួនត្រឹមតែ៣នាក់ប៉ុណ្ណោះនៅពេលដែលទៅថតបទ Run the town ជាមួយ​លោក F.Hero តែក្រុមការងាររបស់ប្រទេសថៃជាច្រើននាក់បានទទួលរាក់ទាក់ដោយភាពកក់ក្តៅបំផុត ហើយលោកបានបន្ថែមថា លោកពិតជាសប្បាយរីករាយខ្លាំងណាស់ពេលដែលឃើញអ្នកគាំទ្រនៅប្រទេសថៃរបស់លោកស្រលាញ់គាំទ្ររូបលោកខ្លាំងបែបនេះ។

លោកវណ្ណដាបានបន្តទៀតថាគាត់ហាក់ដូចជាឃើញពិភពលោកកាន់តែធំទូលាយនៅពេលឃើញអ្នកគាំទ្រអន្តរជាតិរបស់លោកសម្តែងការគាំទ្រ និងស្រលាញ់ចូលចិត្តតាមបែបផែនខុសៗប្លែកពីគ្នា។ ឆ្លៀតក្នុងឪកាសនោះផងដែរលោកវណ្ណដាក៏បានឆ្លៀតប្រាប់ពីការងារសិល្បៈទាក់ទងទៅនឹងការផលិតបទ Run the Town និង Young Man ដែលលោកបានបកស្រាយថាក្នុងការផលិតបទ Run the Town ក្រុមការងាររបស់លោកប្រើពេលផលិតដល់ទៅមួយឆ្នាំព្រេាះដោយសារជាប់ការ Lock Down ច្រើនខណៈពេលកូវីត ចំនែកបទYoungMan វិញពួកគេមានពេលវេលា HangOutជាមួយគ្នាច្រើន ហើយបរិយាកាសវិញពិតជាសប្បាយរីករាយខ្លាំងមែនទែន។ 

អ្វីដែលសំខាន់ទៅទៀតនោះគឺលោកវណ្ណដាបានបង្ហើបពីគំរោងសហការការងារជាមួយប្រទេសជិតខាង ក៏ដូចជាបណ្តាប្រទេសនានាលើឆាកអន្តរជាតិ រហូតដល់មាន Vlogger YouTube ដ៏ល្បីលោក Raven Blaze សួរនាំបន្ថែមថាតើ តើប្រទេសមួយណាទៅ? ភ្លាមៗនោះលោកវណ្ណដាក៏បានបកស្រាយច្បាស់ថា ជាប្រទេសកូរ៉េ បន្ទាប់ទៀត។ ចង់ដឹងថា ការសហការគ្នានាពេលអនាគតរបស់លោកនឹងធ្វើឡើងជាមួយតារាចម្រៀងល្បីៗរបស់ប្រទេសកូរ៉េរូបណា មានតែពេលវេលាប៉ុណ្ណោះទើបអាចស្រាយចម្ងល់របស់យើងទាំងអស់គ្នាបាន។ ចុះអ្នកទាំងអស់គ្នាវិញចង់អោយលោកវណ្ណដាសហការជាមួយ Artist រូបណាដែរជាមយ Upcoming Project?

អត្ថបទដោយ Vatey & Calvin Nann