ភ្នំពេញ ៖ មនុស្សចំនួន៦នាក់ បានស្លាប់ និងចំនួន៥នាក់ទៀត បានរងរបួសធ្ងន់-ស្រាល ដោយសារករណីគ្រោះថ្នាក់ចរាចរណ៍ នៅទូទាំងប្រទេស នាថ្ងៃទី៣ ខែកក្កដា ឆ្នាំ២០២២។ នេះបើយោងតាមទិន្នន័យគ្រោះថ្នាក់ចរាចរណ៍ផ្លូវគោក ទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ។
របាយការណ៍ បានឱ្យដឹងថា នាថ្ងៃទី៤ ខែមិថុនា ឆ្នាំ២០២២នេះ គ្រោះថ្នាក់ចរាចរណ៍ផ្លូវគោក ទូទាំងប្រទេស បណ្តាលឲ្យមនុស្សស្លាប់៦នាក់ និងរបួសធ្ងន់ចំនួន ៤នាក់ ព្រមទាំងរបួសស្រាលម្នាក់។ យោងតាមទិន្នន័យគ្រោះថ្នាក់ចរាចរណ៍ផ្លូវគោក បានបញ្ជាក់ថា គ្រោះថ្នាក់នេះ កើតឡើងដោយសារការប៉ះទង្គិចគ្នា ចំនួន៩លើក។
សូមរម្លឹកថា នៅក្នុងត្រីមាសទី១ ឆ្នាំ២០២២ ជនរងគ្រោះក្នុងករណី គ្រោះថ្នាក់ចរាចរណ៍ ដែលបណ្តាលឱ្យស្លាប់ ដោយសារជិះម៉ូតូ មានចំនួនប្រមាណ ៨០ភាគរយ ក្នុងនោះ ៧០ភាគរយ មិនបានពាក់មួកសុវត្ថិភាព ហើយភាគច្រើន នៃអ្នកស្លាប់ ជាអ្នកបើកបរម៉ូតូ ដែលមានវ័យក្មេង ខណៈគ្រោះថ្នាក់ចរាចរណ៍ នៅពេលយប់នៅតែមានកំណើនខ្ពស់ប្រាមាណ៥៨ភាគរយ និងស្លាប់ពេលយប់ មានប្រមាណ ៥៤ភាគរយ។
តួលេខនេះ បើធៀបត្រឹមត្រីមាសទី១ និងត្រីមាសទី៤ ឆ្នាំ២០២១ ពិនិត្យឃើញថា កំណើន នៃគ្រោះថ្នាក់បានកើនឡើង ១៩ភាគរយ អ្នកស្លាប់កើន ២០ភាគរយ និងអ្នករបួសកើនឡើង ១៨ភាគរយ៕
