យន្តហោះដែលលឿនជាងគេបំផុតនៅលើពិភពលោកគឺជាប្រធានបទដែលមានការប្រកួតប្រជែងគ្នាយ៉ាងក្តៅគគុកនៅក្នុងចំណោមអ្នកជំនាញខាងអាកាសចរណ៍។មានគូប្រជែងជាច្រើនដែលបានដណ្តើមផលិតយន្តហោះប្រភេទនេះដូច្នេះវាមានច្រើនតែដើម្បីឲ្យយើងអាចវាយតម្លៃយន្តហោះនោះបានត្រឹមត្រូវគឺយើងត្រូវមើលទៅលើកត្តាពីរយ៉ាង៖ល្បឿនដែលពួកវាអាចហោះបានលឿនប៉ុណ្ណាហើយនិងទម្ងន់សរុបដែលបង្កើតដោយប្រេងឥន្ធនៈប៉ុន្មាន។សព្វថ្ងៃមានមនុស្សជាច្រើនបានឆ្ងល់និងចង់ដឹងថាយន្តហោះប្រភេទណាដែលលឿនជាងគេបំផុតនៅលើភពផែនដី។ ដូច្នេះនៅក្នុងអត្ថបទនេះ យើងនឹងនិយាយអំពី យន្តហោះដែលលឿនជាងគេបំផុតនៅលើពិភពលោក។
3. ឡុកឃីដ វាយអែហ្វ ១២ (Lockheed YF-12)
វាមានល្បឿន ៣,៦៦១ km/h ហើយវាគឺជាយន្តហោះយោធារបស់សហរដ្ធអាមេរិក ដែលបានក្លាយជាយន្តហោះដែលមានល្បឿនលឿនជាងគេបំផុតមួយនៅលើពិភពលោក។ វាផលិតឡើងដោយក្រុមហ៊ុន ឡុកឃីដ ហើយវាប្រើដើម្បីស្ទាក់ចាប់យន្តហោះទម្លាក់គ្រាប់បែកសូវៀត ដែលផ្ទុកអាវុធនុយក្លេអែ៊រក្នុងកំឡុងពេលនៃសង្រ្គាមត្រជាក់។ វាអាចហោះលឿនជាងសំលេងបីដង ជាមួយនឹងមា៉ស៊ីន Turbojet ទាំងពីរដ៏ខ្លាំងរបស់វា។កាលពីថ្ងៃទី ២៧ ខែមេសា ឆ្នាំ ១៩៧០ YF-12 បានបង្កើតកំណត់ត្រាពិភពលោកទាំងរយៈកម្ពស់និងល្បឿនខ្យល់ហើយបានក្លាយជាយន្តហោះដែលមានល្បឿនលឿនជាងគេបំផុតនៅក្នុងពេលនោះ។ វាបានចូលនិវត្តន៍នៅក្នុង១៩៧៦ ប៉ុន្តែវានៅតែជាប់ឈ្មោះថាជាយន្តហោះដែលលឿនជាងគេបំផុតមួយនៅលើពិភពលោក ជាមួយនឹងល្បឿនរបស់វា ពី ២០០០ ទៅ៣០០០ km/h។
2. ចាបខ្មៅ អេស អា ៧១ ឡុកឃីដ (Lockheed SR-71 Blackbird)
យន្តហោះដែលមានល្បឿនលឿនជាងគេបំផុតទីពីររបស់ពិភពលោក គឺ ចាបខ្មៅ អេសអា ៧១។ វាមានល្បឿន ៣,៥២៩ គីឡូម៉ែត្រក្នុងមួយម៉ោង និងអាចហោះឡើងដល់កម្ពស់ ២៦ គីឡូម៉ែត្រ។ វាត្រូវបានរចនាឡើងជាយន្តហោះដឹកប្រេងសម្រាប់បេសកកម្មរយៈចម្ងាយឆ្ងាយ ដោយរួមមាន ការឈ្លបយកការណ៍ ឬ ការវាយប្រហារនុយក្លេអ៊ែរជាមួយនឹងល្បឿនលឿនបំផុត ដែលមានសមត្ថភាពអាចហោះគេចចេញពីការចាប់ស្ទាក់របស់ប្រព័ន្ធរ៉ាដាពីស្ថានីយ៍នៅដី។ យន្តហោះនេះត្រូវបានដាក់ឲ្យហោះជាផ្លូវការដំបូងនៅក្នុងឆ្នាំ១៩៦៨។ ដោយសារតែល្បឿនដ៏លឿនបំផុត វាត្រូវបានជាប់នៅក្នុងកំណត់ត្រាជាច្រើន។
3. North American X-15
វាមានល្បឿន ៧,២៧៤ km/h។ វាជាយន្តហោះយោធាអាមេរិកខាងជើង X-15 ហើយត្រូវបានជាប់ចំណាត់ថ្នាក់ថា ជាយន្តហោះដែលលឿនជាងគេបំផុតនៅលើពិភពលោកក្នុងឆ្នាំ ២០២២។ វាជាយន្តហោះដើរដោយគ្រាប់រុ៉ក្កែត ដែលផលិតចេញពីលោហធាតុ អាលុយមីញ៉ូម និងទីតាញ៉ូម។ វាត្រូវបានបើកហោះហើរសាកល្បងជាលើកដំបូងនៅក្នុងឆ្នាំ ១៩៥៩ ដោយលោក Scott Crossfield ដល់កម្ពស់ ៩៣ គីឡូម៉ែត្រ ហើយចាប់តាំងពីពេលនោះមក វាបានក្លាយជាយន្តហោះដែលមានល្បឿនលឿនជាងគេបំផុតនៅលើពិភពលោករហូតមកដល់សព្វថ្ងៃ និងត្រូវបានគេប្រើសម្រាប់ បេសកកម្មស្រាវជ្រាវដែលជាប់ពាក់ព័ន្ធនឹង ឌីណាមិកអាកាស ឬថាមពលអាកាស។
បកប្រែដោយ៖ ម៉ៅ គុយដង់