Kyiv,CNA-

កងកម្លាំងរុស្សីបានបំផ្ទុះស្ពានមួយដែលតភ្ជាប់ទៅនឹងទីក្រុងដែលជាសមរភូមិនៅអ៊ុយក្រែន Sievierodonetsk ដែលឆ្ពោះទៅកាន់ទីក្រុងមួយទៀតឆ្លងកាត់ទន្លេ ហើយបានកាត់ផ្តាច់ផ្លូវ ដែលសំរាប់ជន្លៀសជនស៊ីវិល មន្ត្រីនៅនឹងកន្លែងបាននិយាយកាលពីថ្ងៃអាទិត្យ។ Sievierodonetsk បានក្លាយទៅជាចំណុចស្នូលនៃសមរភូមិសំរាប់ការត្រួតត្រានៅតំបន់ Donbas នៃភាគខាងកើតអ៊ុយក្រែន។ ផ្នែកខ្លះនៃទីក្រុងត្រូវបានកំទេចឲ្យក្លាយទៅជាផេះផង់ដោយការប្រយុទ្ធបង្ហូរឈាមចាប់តាំងពីវិមានក្រឹមឡាំងបានបើកការឈ្លានពានរបស់ខ្លួនកាលពីថ្ងៃទី២៤ខែកុម្ភៈ។

“គោលបំណងនៃតាក់ទិកដ៏សំខាន់របស់ពួកឈ្លានពានមិនបានផ្លាស់ប្តូរនោះទេ ពួកគេបានគៀបសង្កត់ដោយធ្វើការវាយប្រហារមកលើ Sievierodonetsk ឥតឈប់ឈរមកលើទីនោះ ដែលការប្រយុទ្ធនៅតែបន្តនិយាយឲ្យចំគ្រប់ម៉ែត្រគ្រប់នាទី” លោកប្រធានាធិបតីអ៊ុយក្រែន Volodymyr Zelensky បាននិយាយនៅក្នុងសុន្ទរកថានៅពេលយប់របស់លោកតាមរយៈវីឌីអូដោយបានបន្ថែមថា យោធារុស្សីបានកំពុងព្យាយាមដាក់ពង្រាយកងកម្លាំងបម្រុងទៅកាន់ Donbas។ កងកម្លាំងអ៊ុយក្រែននិងរុស្សីកំពុងតែបន្តរប្រយុទ្ធគ្នានៅតាមដងផ្លូវនៅទីនោះកាលពីថ្ងៃអាទិត្យ អភិបាលនៃខេត្ត Luhansk,  Serhi Gaidai បាននិយាយ។

កងកម្លាំងរុស្សីបានចាប់យកភាគច្រើននៃទីក្រុង ប៉ុន្តែកងកម្លាំងអ៊ុយក្រែននៅតែបន្តកាន់កាប់ទីកន្លែងដែលជាកន្លែងឧស្សាហកម្មនិងរោងចក្រគីមី Azolt ជាកន្លែងដែលជនស៊ីវិលជាច្រើនរយនាក់កំពុងស្នាក់នៅ។ ប៉ុន្តែរុស្សីបានបំផ្លាញស្ពានមួយនៅលើទន្លេ Siverskyi Donetsk ដែលតភ្ជាប់ទៅ Sievierodonetsk ដែលជាទីក្រុងភ្លោះ Lysychansk ,Gaidai បាននិយាយ ដែលនៅសល់តែមួយក្នុងចំណោមស្ពានទាំង៣ដែលឆ្លងកាត់ទន្លេ។ បើសិនជាបន្ទាប់ពីមានការបាញ់ផ្លោងថ្មីៗ ហើយស្ពានមួយនោះត្រូវបានបំផ្លាញទីក្រុងនោះនឹងត្រូវកាត់ផ្តាច់ជាស្ថាពរ វានឹងគ្មានផ្លូវសំរាប់ចាកចេញពី Sievierodonetsk តាមរថយន្តទៀតនោះទេ Gaidaiបាននិយាយ ដោយគូសបញ្ជាក់ថាជាការខ្វះនូវកិច្ចព្រមព្រៀងឈប់បាញ់គ្នា និងច្រករបៀងសំរាប់ជន្លៀសជនស៊ីវិល។

ប្រធានរដ្ឋបាលនៃ Sievierodonetsk បាននិយាយថា ច្រើនជាង១/៣នៃទីក្រុងនៅតែស្ថិតនៅក្រោមការកាន់កាប់របស់កងកម្លាំងអ៊ុយក្រែន ដែលប្រហែលជា២/៣ស្ថិតនៅក្រោមការកាន់កាប់របស់រុស្សី។ កងកម្លាំងរបស់យើងបានការពារយ៉ាងរឹងមាំនៅតាមខ្សែរត្រៀម Oleksadr Stryker បានប្រាប់ទូរទស្សន៍ជាតិ។ នៅក្នុង Lysychansk ការផ្លោងរបស់រុស្សីបានសម្លាប់ក្មេងប្រុសម្នាក់ដែលមានអាយុ៦ឆ្នាំ Reuters មិនអាចបញ្ជាក់ព័ត៌មាននេះដោយឯករាជ្យបានទេ។