News-

កងទ័ពអ៊ុយក្រែនអាចនឹងដកថយក្នុងពេលឆាប់ៗនេះពីទីក្រុងសំខាន់ភាគខាងកើត អភិបាលតំបន់និងអ្នកវិភាគយោធាលោកខាងលិចបាននិយាយកាលពីថ្ងៃពុធ ខណៈដែលកងទ័ពរុស្សីបានរុលមកមុខនិងបង្ខំឲ្យពួកគេដកថយ។ ទាហានដែលការពារ Sievierodonetsk នៅតែកំពុងប្រយុទ្ធក្នុងគ្រប់ជំហ៊ាន ប៉ុន្តែត្រូវតែដកថយខណៈដែលរុស្សីបានធ្វើអ្វីគ្រប់យ៉ាងដែលគេអាចធ្វើទៅបានដើម្បីបង្កើននូវការកាន់កាប់ទីក្រុង។ អភិបាលតំបន់ Luhansk Serhiy Haidai បាននិយាយកាលពីព្រឹកថ្ងៃព្រហស្បតិ៍។

“ទោះបីជាកងទ័ពរបស់យើងត្រូវតែដកថយមកកាន់ទីតាំងដែលមានអំណោយផល ពីព្រោះអ្វីៗគ្រប់យ៉ាងនៅទីនោះត្រូវបានវាយប្រហារ២៤ម៉ោងលើ៧ថ្ងៃ ប៉ុន្តែវាមិនមានន័យថាយើងនឹងបោះបង់ចោលទីក្រុងនោះទេ” Hadai បាននិយាយ ដោយថ្លែងនៅក្នុងទូរទស្សន៍អ៊ុយក្រែន។ "ប៉ុន្តែប្រាកដណាស់យើងត្រូវតែដកថយ លោកបាននិយាបន្ទាប់មកទៀត" ការប្រយុទ្ធគ្នានៅតាមផ្លូវថ្នល់ក្នុងទីក្រុង Sievierodonetsk បានក្លាយទៅជាចំណុចក្តៅដែលគួរឲ្យចាប់អារម្មណ៍នៅក្នុងទំនាស់ប៉ុន្មានសប្តាហ៍មកនេះ ដែលកងទ័ពរុស្សីបានរំកិលមកមុខយឺតៗឆ្ពោះមកកាន់គោលដៅដ៏ធំរបស់គេ ដើម្បីចាប់យកការត្រួតត្រាឲ្យបានទាំងស្រុងនៃតំបន់ឧស្សាហកម្ម Donbas។

ទីក្រុងដ៏ធំជាចុងក្រោយស្ថិតនៅក្នុងការកាន់កាប់របស់អ៊ុយក្រែននៅក្នុងខេត្ត Luhansk  ដែលជាខេត្តមួយនៅជាប់គ្នាជាមួយ Donetsk បង្កើតបានជាតំបន់ Donbas ត្រូវបានស្រោចស្រពទៅដោយការផ្លោងដោយកាំភ្លើងធំនៅក្នុងការប្រយុទ្ធដ៏ប្រទាញប្រទង់ រុញច្រានគ្នាទៅមកដែលធ្វើឲ្យមានការពិបាកក្នុងការបកស្រាយ។ ទីក្រុង Kyiv បាននិយាយថា ការវាយលុកបកទៅវិញនៅក្នុងចុងសប្តាហ៍នេះបានជួយឲ្យកងកម្លាំងរបស់ខ្លួនបានចាប់យកទឹកដីខ្លះមកវិញ ប៉ុន្តែស្ថានការណ៍ហាក់ដូចជាមានភាពអាក្រក់អាក្រីច្រើនជាងនេះ។

រូបភាពតាមផ្កាយរណប ដែលបញ្ចេញដោយក្រុមហ៊ុនដែលចុះកិច្ចសន្យារបស់អាមេរិក Maxar កាលពីថ្ងៃពុធបានបង្ហាញនូវអ្វីដែលគេនិយាយថា “វាជាការខូចខាតដ៏ធ្ងន់ធ្ងរ” នៅក្នុងទីក្រុង Sievierodonetsk និងកន្លែងដែលស្ថិតនៅជាប់នោះ នៅចំពេលដែលមានការភ័យខ្លាចថានៅទីក្រុងនេះនឹងអាចក្លាយទៅជាទីក្រុង Mariupol ថ្មីមួយទៀត ដែលជាទីក្រុងកំពង់ផែដ៏សំខាន់ដែលត្រូវបានឡោមព័ទ្ធដោយកងទ័ពរុស្សី និងបន្សល់ទុកដោយការបំផ្លាញយ៉ាងខ្ទេចខ្ទាំដោយសារតែការប្រយុទ្ធគ្នាឥតស្រាកស្រាន។