ជាក់ស្តែងកាលពីថ្ងៃមិញនេះ លោកវណ្ណដា បានប្រកាសជាផ្លូវការនៅក្នុងបណ្តាញ យូធូបផ្ទាល់របស់លោកហើយថា​ លោកនឹងចេញបទចម្រៀងថ្មីពីរបទ​ នៅវេលាម៉ោង ៧យប់នេះ។ បទថ្មីទាំងពីរបទនេះ មានចំណងជើងជាភាសាខ្មែរថា​ “រង្វង់ក្រចក” ហើយនិង “ជីវិតគឺជាល្បែង” និងជាពាក្យអង់គ្លេសថា “Parenthesis” និង “Life is a game” គឺឋិតនៅក្នុងអាល់ប៊ុម Skull 2 រដូវកាលទី​១ វគ្គទី១។ មិនតែប៉ុណ្ណោះ លោកបានបង្ហោះសារអបជាមួយ Caption ថា សុំបើករង្វង់ក្រចកអង្គុយ​ Chill ហើយគិតពីជីវិត ដែលមានន័យថា សុំបើករង្វង់ក្រចកអង្គុយសញ្ចឹង ហើយគិតអំពីជីវិត។ ថ្វីត្បិតតែចម្រៀងពេញនឹងចេញនៅយប់នេះក៏ពិតមែន តែកាលពីយប់ម្សិលមិញនេះ លោកវណ្ណដា បានធ្វើការបង្ហោះជាមួយ វីដេអូ Documentary មួយអំពី Process នៃការផលិតនូវ អាប៊ុម Skull 2 នេះ និងការសហការគ្នាយ៉ាងស្វិតស្វែងអំពីសំណាក់ Producer ជាច្រើននាក់ផ្សេងទៀត ដើម្បីនាំយករសជាតិនៃចម្រៀងថ្មីទៅកាន់អ្នកគាំទ្ររបស់លោក។ នៅក្នុងវីដេអូដដែលនោះផងដែរ ក៏បានបង្ហាញនូវចំណប់អារម្មណ៏របស់ កញ្ញា Sophia Kao ជាតារាចម្រៀងដែលធ្លាប់ច្រៀងរួមគ្នាកន្លងមក, Laura mam ដែលជាស្ថាបនិកផលិតកម្មបារមី និង លោក Daniel Omens ដែលជា Artist/Designer ក៏បានបង្ហាញអំពីចំណប់អារម្មណ៏ របៀបធ្វើការ និង Challenge មួយចំនួនដែលកើតមានឡើងនៅលើ Project ដ៏លំបាកមួយនេះ៕