ភ្នំពេញ៖ មុខសញ្ញាគ្រឿងញៀនម្នាក់ ត្រូវបានសមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បង្ក្រាបបាន និងដកហូតសារធាតុញៀន ជិត១គីឡូក្រាម នៅក្នុងខណ្ឌដូនពេញ រាជធានីភ្នំពេញ។

យោងតាមរបាយការណ៍របស់មន្ទីរប្រឆាំងបទល្មើសគ្រឿងញៀន បានឱ្យដឹងថា ប្រតិបត្តិការនេះ ត្រូវបានស្រាវជ្រាវ និងបង្រ្កាបកាលពីថ្ងៃទី១៤ ខែឧសភា ឆ្នាំ២០២២ នៅចំណុចតាមដងផ្លូវព្រះមុនី្នវង្ស សង្កាត់ផ្សារថ្មី២ ខណ្ឌដូនពេញ រាជធានីភ្នំពេញ។

ក្នុងរបាយការណ៍បានឱ្យដឹងថា សមត្ថកិច្ច បានឃាត់ខ្លួនជនសង្ស័យម្នាក់ ឈ្មោះ អ៊ុច សុវណ្ណារ៉េត ភេទប្រុស អាយុ ៣៣ឆ្នាំ ជនជាតិខ្មែរ និងរកឃើញ សារធាតុញៀន ប្រភេទ មេតំហ្វេតាមីន(ICE)ទម្ងន់សុទ្ធ ៨០០,៨១ ក្រាម។

បច្ចុប្បន្ន ជនសង្ស័យ ព្រមទាំងវត្ថុតាង ត្រូវបានមន្ទីរប្រឆាំងគ្រឿងញៀន កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី ៕