អ៊ុយក្រែនបានរៀបចំព្យួរនូវការបង្ហូប្រេង និងឧស្ម័នរបស់រុស្ស៊ីខ្លះទៅកាន់អឺរ៉ុបតាមរយៈចំណុចដែលឆ្លងកាត់ទីក្រុង Kyiv នៅថ្ងៃពុធ ខណៈដែលបានអះអាងថា សមរភូមិបានកើនឡើងយ៉ាងច្រើនលើការឈ្លានពានរបស់រុស្ស៊ី រួមបញ្ចូលទាំងការកាន់កាប់ឡើងវិញនៃភូមិ៤ នៅជុំវិញក្រុងទី២ នៃទីក្រុង Kharkiv ។ អ៊ុយក្រែននៅតែជាផ្លូវធំនិងដ៏សំខាន់នៃឧស្ម័នរបស់រុស្ស៊ីទៅកាន់អឺរ៉ុប បើទោះបីជាបន្ទាប់ពីលោកប្រធានាធិបតី Vladimir Putin បានបញ្ជានូវអ្វីដែលលោកហៅថាជា "ប្រតិបត្តិការណ៍យោធាពិសេស” នៅថ្ងែទី២៤ ខែកុម្ភៈ ឆ្នាំ២០២២។ ការកើនឡើងនៃទណ្ឌកម្មរបស់លោកខាងលិច ដើម្បីស្វែងរកឬក៏លុបបំបាត់នូវការប្រើប្រាស់ឧស្ម័នរបស់រុស្ស៊ី។ ការស្តីបន្ទោសទៅលើការជ្រៀតជ្រែកចូលនៃការកាន់កាប់ដោយកងកម្លាំងរុស្ស៊ីសំរាប់ការព្យួរនេះ ដែលជាប្រភពនៃមូលនិធិដ៏ធំសំរាប់រុស្ស៊ីក្នុងការខិតខំប្រឹងប្រែងធ្វើសង្រ្គាមប្រឆាំងនឹងអ៊ុយក្រែន។ ប្រតិបត្តិករអ៊ុយក្រែនបាននិយាយថា ការប្តូរផ្លូវនៃការបង្ហូរឧស្ម័នពី Sokhranivka ដែលជាកន្លែងមួយកាន់កាប់ដោយរុស្ស៊ីទៅកន្លែងមួយទៀត ដែលកាន់កាប់ដោយអ៊ុយក្រែនវិញ។ ចាប់តាំងពីរុស្ស៊ីត្រូវបានបង្ខំឲ្យបោះបង់ចោលនូវការវាយលុកលើទីក្រុង Kyiv កាលពីចុងខែមីនា កងកម្លាំងរបស់រូស្ស៊ីត្រូវបានផ្លាស់ប្តូរយុទ្ធសាស្ត្រងាកទៅវាយលុកភាគខាងកើត Donbas នៃអ៊ុយក្រែនវិញ។

កងទ័ពរបស់អ៊ុយក្រែនបានប្រឹងទប់ទល់យ៉ាងស្វិតស្វាញប្រឆាំងទៅនឹងការវាយលុកចំនួន៣មុខព្រួញ ហើយមន្ត្រីចារកម្មរបស់សហរដ្ឋអាមេរិកបាននិយាយថាការប្រយុទ្ធឥឡូវនេះកំពុងជាប់គាំង។ Putin ហាក់ដូចជាកពុងរៀបចំធ្វើឲ្យទំនាស់មានរយៈពេលយូរ ហើយនិងជ័យជំនះនៅ Donbas មិនអាចបញ្ចប់នូវសង្រ្គាមនោះទេ នាយកចារកម្មជាតិសហរដ្ឋអាមេរិក លោក​ Avril Haines បាននិយាយនៅក្នុងទីក្រុង វ៉ាស៊ីនតោនកាលពីថ្ងៃអង្គារ៍។ ប៉ុន្តែការប្រយុទ្ធតបតនៅជិតក្រុង Kharkiv អាចផ្តល់ជាសញ្ញាក្នុងតំណាក់កាលថ្មីមួយ ដែលអ៊ុយក្រែនគឺជាអ្នកវាយលុក ហើយចរន្តនៃការផ្គត់ផ្គង់របស់រុស្ស៊ីឥឡូវនេះបានធ្លាក់ចុះខ្សោយ។

លោកប្រធានាធិបតី Volodymyr Zelensky បាននិយាយថា ជោគជ័យរបស់អ៊ុយក្រែន បានរុញច្រានកងទ័ពរុស្សីឲ្យថយបន្តិចម្តងៗចេញពីទីក្រុង Kharkiv ដែលស្ថិតនៅក្រោមការទំលាក់គ្រាប់បែកចាប់តាំងពីសង្រ្គាមឈ្លានពានបានចាប់ផ្តើម។ "ប៉ុន្តែខ្ញុំចង់ឲ្យប្រជាពលរដ្ឋយើងទាំងអស់ មិនត្រូវបញ្ចេញនូវអារម្មណ៍រំភើបខ្លាំងពេកទេ។ យើងមិនគួរបង្កើតនូវបរិយាកាសដែលជាសម្ពាធផ្នែកសីលធម៌ខ្លាំងពេកទេ ដែលជោគជ័យយើងបានរំពឹងថា វានឹងកើតឡើងជារៀងរាល់សប្តាហ៍និងជារៀងរាល់ថ្ងៃ" Zelensky បាននិយាយតាមការថ្លែងតាមវីឌីអូ៕