រុស្សីបានព្រមាននូវការគំរាមកំហែងដ៏ពិតប្រាកដមួយនៃសង្រ្គាមលោកលើកទី៣នឹងផ្ទុះឡើង មុនពេលដែលមានការប្រជុំមួយនៅថ្ងៃអង្គារ៍រវាងសហរដ្ឋអាមេរិកនិងសម្ព័ន្ធមិត្តលើរឿងបញ្ជូនសព្វាវុធទៅឲ្យអ៊ុយកក្រែនដែលបាក់បែកខ្ទេចខ្ទាំដោយសារសង្រ្គាម។ការឈ្លានពានរបស់មូស្គូទៅកាន់ប្រទេសជិតខាងរបស់ខ្លួនបានធ្វើឲ្យមានការផ្ទុះឡើងនូវការគាំទ្រពីប្រជាជាតិលោកខាងលិចដែលគេបានឃើញអាវុធត្រូវបានបញ្ជូនទៅហូរដូចទឹកចូលទៅក្នុងប្រទេសដើម្បីជួយធ្វើសង្រ្គាមប្រឆាំងទៅនឹងកងទ័ពរុស្សី។
ប៉ុន្តែមហាអំណាចបស្ចឹមប្រទេសមានការស្ទាក់ស្ទើរក្នុងការលូកដៃចូលទៅឲ្យជ្រៅ ដោយមានការព្រួយបារម្ភខ្លាចក្រែងលោមានការរាលដាលនូវទំនាស់ប្រឆាំងទៅនឹងរុស្សីដែលជាមហាអំណាចនុយក្លេអ៊ែរ។ក្នុងការថ្លែងទៅកាន់ទីភ្នាក់ងារសារព័ត៌មានរុស្សី លោករដ្ឋមន្ត្រីក្រសួងការបរទេសរុស្សី សឺហ្គេយ្យ ឡាវរូវ (Sergei Lavrov) បានព្រមានថាហារនិភ័យនៃសង្រ្គាមលោកលើកទី៣មានលក្ខណៈធ្ងន់ធ្ងរណាស់និងបានរិះគន់ចំពោះវិធីសាស្រ្តរបស់ទីក្រុងKyivក្នុងការធ្វើឲ្យមានភាពមិនច្បាស់លាស់ចំពោះការជជែករកសន្តិភាព។ “វាប្រាកដណាស់ អ្នកមិនអាចវាយតម្លៃវាទាបពេកទេ” Lavrov បាននិយាយ។
អស់រយះពេលជាច្រើនខែ លោកប្រធានាធិបតីអ៊ុយក្រែន Volodymyr ZelensKy បានស្នើរសុំអាវុធធុនធ្ងន់ពីសម្ព័ន្ធមិត្តលោកខាងលិច ដោយរាប់បញ្ចូលទាំងកាំភ្លើងផ្លោងធុនធ្ងន់និងយន្តហោះចំបាំង ដោយបានប្តេជ្ញាចិត្តថាកងកម្លាំងរបស់លោកនឹងបង្វែររលកនៃសង្រ្គាមជាមួយនឹងការប្រយុទ្ធដ៏ខ្លាំងក្លា។ការអំពាវនាវហាក់ដូចជាមានហេតុផលក្នុងពេលនេះ ជាមួយនឹងការរៀបចំរបស់ប្រទេសដែលជាសមាជិករបស់NATOដែលបានអះអាងថានឹងផ្តល់ជាបន្តបន្ទាប់នូវអាវុធធុនធ្ងន់និងសម្ភារៈយោធាទោះបីជាមានការតវ៉ាពីប្រទេសរុស្សី។
ក្នុងការធ្វើដំណើរទៅកាន់ទីក្រុង Kyiv នៅចុងសប្តាហ៍នេះ ប្រធានមន្ទីរបញ្ចកោណ លោក ល្យ៉ត អូស្ទីន (Lloyd Austin) និងរដ្ឋមន្ត្រីក្រសួងការបរទេស អាមេរិក អែនតូនី ប្ល៊ីងកែន (Antony Blinken) បានជួបជាមួយ លោក ZelensKy និងបានសន្យាថានឹងផ្តល់ជំនួយថ្មីបន្ថែមទៀតចំនួន៧០០លានដុល្លារទៅកាន់អ៊ុយក្រែន។”ជំហ៊ានទីមួយក្នុងការឈ្នះ យើងជឿជាក់ថាអ្នកអាចឈ្នះ “ Austin បានប្រាប់ក្រុមអ្នកកាសែតបន្ទាបពីបានជួបជាមួយZelensky។
