Salon-

រុស្សីមានកាលកំណត់ថ្ងៃទី៤ ខែមេសា ដើម្បីសងបំណុលប្រហែលជា៦៥០លានដុល្លារ ដែលជាការប្រាក់នៃអ្នកដែលទិញប័ណ្ណបំណុល។ កាលពីថ្ងៃទី១៤ ខែមេសា សេវាកម្មនៃវិនិយោគិនបានធ្វើការព្រមានចំពោះសេចក្តីប្រកាសរបស់ប្រទេស ដែលត្រូវបង់ប្រាក់ជាដុល្លារដោយបង់ជាប្រាក់ Roubles ពីព្រោះវាជាការរំលោភទៅនឹងកិច្ចសន្យា។ ការពន្យាពេល៣០ថ្ងៃរហូតដល់ថ្ងៃទី៤ ខែឧសភា រុស្សីត្រូវបង្វែរការផ្ទេរប្រាក់ជាដុល្លារ ដើម្បីបញ្ចៀសនូវការខកខានមិនបានទូទាត់បំណុល។ 

ការខាកខានមិនបានបង់ប្រាក់នេះ វាជាសញ្ញាមួយយ៉ាងច្បាស់លាស់ថា ទណ្ឌកម្មដែលដាក់ដោយសហរដ្ឋអាមេរិក និងប្រទេសដ៏ទៃទៀត មានប្រសិទ្ធភាពទៅលើសេដ្ឋកិច្ចរបស់រុស្សី ប៉ុន្តែជាសំណួរសួរថាតើវានឹងមានផលប៉ះពាល់ទៅដល់សមត្ថភាពរុស្សីក្នុងការធ្វើសង្រ្គាមនៅក្នុងអ៊ុយក្រែនដែរឬទេ?។ យើងបានសួរ Michael Allen និង Mathew DiGiuseppe ដែលអ្នកទាំង២សុទ្ធតែជាអ្នកជំនាញខាងផ្នែកនយោបាយសេដ្ឋកិច្ចនិងទំនាស់ ដើម្បីពន្យល់នូវផលវិបាកនៃការខកខានមិនបានបង់ប្រាក់ ថាតើវាមានន័យយ៉ាងដូចម្តេចចំពោះសង្រ្គាមរបស់លោកប្រធានាធិបតី Vladimir Putin ។

រដ្ឋាភិបាលរុស្សីមានបំណុលទាំងអស់៤០ពាន់លានដុល្លានិងអឺរ៉ូ។ ពាក់កណ្តាលនៃបំណុលទាំងនោះជារបស់វិនិយោគិនបរទេស ហើយរុស្សីត្រូវបង់ការប្រាក់ចំនួន ៦៥០លានដុល្លារ ទៅឲ្យភាគីម្ចាស់ប័ណ្ណបំណុលជាដុល្លារ។ រុស្សីមានលុយគ្រប់គ្រាន់ ព្រោះរុស្សីនឹងទទួលបានលុយ១ពាន់លានដុល្លារជារៀងរាល់ថ្ងៃ ពីការលក់ប្រេង និងឧស្ម័ន ប៉ុន្តែមិនអាចប្តូរជាដុល្លារបាន ដោយសារទណ្ឌកម្មដែលដាក់ដោយសហរដ្ឋអាមេរិក។ រដ្ឋការលោក Biden ធ្លាប់បានអនុញ្ញាតឲ្យរុស្សីប្រើទុនបម្រុងនៃរូបិយប័ណ្ណដុល្លារ កាលពីពេលមុនដែលធ្លាប់បានបង្កក ដើម្បីសងប្រាក់ជំពាក់។

សហរដ្ឋអាមេរិកបានផ្លាស់ប្តូរនូវនិតិវិធីកាលពីថ្ងៃ៥ ខែមេសា ដោយរាំងខ្ទប់រុស្សីមិនឲ្យប្រើទុនបម្រុងដុល្លារ ដែលស្ថិតនៅក្នុងធនាគារអាមេរិក ដើម្បីបង់ថ្លៃជំពាក់ ដែលបណ្តាលឲ្យរុស្សីមានជំរើសតិចតួច ប៉ុន្តែបានព្យាយាមសងបំណុលដោយគិតជាប្រាក់ roubles ដែលតម្លៃរបស់វាបានធ្លាក់ចុះ ចាប់តាំងពីមានការឈ្លានពាន។ បើសិនជារុស្សីមិនធ្វើការផ្លាស់ប្តូរក្នុងការសងប្រាក់ជាដុល្លានៅថ្ងៃទី៤ ខែឧសភា រដ្ឋាភិបាលរុស្សីនឹងធ្លាក់ចូលទៅក្នុងការខកខានជាលើកដំបូងថាជារដ្ឋដែលមិនបានសងបំណុលបរទេសចាប់តាំងពីឆ្នាំ១៩១៨៕