ឯកឧត្តមជាម ប៉េអា អ្នកតំណាងរាស្ត្រមណ្ឌលខេត្តព្រៃវែង និងជាសមាជិកគណកម្មការទី5នៃរដ្ឋសភា បានចុះដឹកនាំធ្វើវេទិកាសាធារណៈ 2 កន្លែងស្ថិតនៅភូមិព្រៃដើមថ្នឹងទី1 និងទី2 ក្នុងឃុំព្រៃដើមថ្នឹង ស្រុកស៊ីធរកណ្តាល ខេត្តព្រៃវែង ដែលមានអង្គភាពពាក់ពន្ធ ថ្នាក់ជាតិ ថ្នាក់ស្រុក ថ្នាក់ឃុំ ជាតួអង្គបំរើសេវា ជួបមុខអ្នកទទួលសេវាគឺប្រជាពលរដ្ឋ មានអ្នកចូលរួមសរុប 405នាក់ លើប្រធានបទ ការផ្តល់សេវាសាធារណៈ និងបញ្ហាយុត្តិធម៌សង្គម។

ក្រោយឯកឧត្តមជាម ប៉េអា និងលោកមេឃុំរាយការសង្ខេបពីសមិទ្ធផលរាជរដ្ឋាភិបាល និងសមិទ្ធិផលឃុំ ភូមិ បានជូនវេទិកាទៅប្រជាពលរដ្ឋ ដែលបានឡើងសំដែងមតិយោបល់សម្រាប់អង្គវេទិកា។ ក្នុងរយៈពេលដំណើការពីរម៉ោងនេះឃើញថា ប្រជាពលរដ្ឋផលផុសក្នុងការសំដែងមតិនូវការគាំទ្រកម្មវិធីនយោបាយ និងយុទ្ធសាស្ត្រចតុកោណដំណាក់កាលទី4 និងកម្មវិនិយោគឃុំ មានតែពីរទៅបីនាក់ប៉ុណ្ណោះ បានលើកឡើងនូវបញ្ហាផ្លូវនៅក្នុងភូមិ ផ្លូវសម្រាប់ចូលទៅដឹកកសិផល ស្នើកសាងប្រឡាយទឹកថ្មីបន្ថែម និងបញ្ហាអនាម័យក្នុងភូមិ។

ដែលបញ្ហាទាំងអស់នេះក្រុមប្រឹក្សាស្រុក និងឃុំបានឆ្លើយតបថា បានចាត់ចូលក្នុងកម្មវិធីវិនិយោគស្រុក និងឃុំ ឆ្នាំ2022 នេះរួចហើយ នៅឡើយតែដំណើរការលទ្ធកម្មសម្រាប់អនុវត្តគម្រោង។ ក្នុងនាមជាអ្នកតំណាងរាស្ត្រក៏បានទទួលយកបញ្ហាកង្វល់នេះ ដើម្បីជំរុញការអនុវត្តន៏ច្បាប់ បង្កើតឧបករណ៏វិធានការក្រោមច្បាប់អោយឆ្លើយតបនឹងតម្រូវការនានានៅមូលដ្ឋាន៕