NPR-Colombo-

ប្រជាពលរដ្ឋស្រីលង្ការបានចែករំលែកទឹកដោះគោ អង្ករនិងប្រេង នំដើម្បីប្រារព្ធពិធីប្រពៃណីបុណ្យចូលឆ្នាំកាលពីថ្ងៃព្រហស្បតិ៍ នៅទល់មុខការិយាល័យប្រធានាធិបតី ជាកន្លែងដែលគេបានបោះជំរុំអស់រយៈពេល៦ថ្ងៃ ដើម្បីទាមទារឲ្យលោកលាលែងចេញពីតំណែងនៅលើវិបត្តិសេដ្ឋកិច្ច ដែលជាការចងចាំ។ ទាហ៊ានដែលជាជនពិការនៅលើកោះ ដែលមានសង្រ្គាមនេះបានដុតចង្រ្កាន ព្រះសង្ឃបានសូត្រធម៌ព្រមទាំងអ្នកដទៃទៀតបានដុតផាវ ព្រមទាំងច្រៀងចម្រៀងជ័យជំនះនៃការតស៊ូរបស់ប្រជាពលរដ្ឋ។

ហ្វូងបាតុករបានកាន់កាប់នៅច្រកចេញចូល និងឡោមព័ទ្ធការិយាល័យនៃលោកប្រធានាធីបតី Gotabaya. Rajapaska ដោយចាប់ឲ្យលោកទទួលខុសត្រូវចំពោះស្ថានភាពសេដ្ឋកិច្ច។ ពួកគេបានអំពាវនាវផងដែរ ចំពោះក្រុមគ្រួសារដ៏មានអំណាចឲ្យចាកចេញពីអំណាច ចោទប្រកាន់ពួកគេថាបានប្រព្រឹតិ្តអំពើពុករលួយនិងរំលោភអំណាច។ "នៅថ្ងៃដ៏ទៃទៀតកូនចៅរបស់ពួកយើងទៅលេងជីដូនជីតារបស់ពួកគេ ប៉ុន្តែថ្ងៃនេះយើងបាននាំពួកគេមកបង្ហាញនូវស្ថានភាពពិតប្រាកដនៅក្នុងប្រទេស" Dilani Niranjana បាននិយាយ ដែលបានមកចូលរួមជាមួយអ្នកតវ៉ានិងកូន២នាក់ អាយុ៨និង១០ឆ្នាំ។

“យើងមិនចង់និយាយថា អ្វីដែលកើតមានឡើងនៅក្នុងប្រទេសនិងវិលត្រឡប់ទៅកាន់ភូមិវិញ ដើម្បីប្រារព្ធពិធីចូលឆ្នាំថ្មី។ នៅក្នុងវ័យក្មេងរបស់ពួកគេ ពួកគេគួរតែបានឃើញនូវការពិត និងរស់នៅជាមួយនិងការពិត” នាងបានបន្ថែម។ ប្តីរបស់ Niranjala, Usitha Gamage ដែលធ្វើជាអ្នកបើកបររថយន្តតាក់ស៊ីបាននិយាយថា លោកដូចជាបាក់ទឹកចិត្តនៅពេលដែលបានមើលដំណឺងជារៀងរាល់ព្រឹក អំពីការឡើងថ្លៃទំនិញយ៉ាងកំហុកជារៀងរាល់ថ្ងៃ។ “ខ្ញុំមានការសប្បាយចិត្តដែលការតស៊ូរនេះបានកើតមានឡើង និងបានផ្តល់ឲ្យខ្ញុំនូវក្តីសង្ឃឹមនិងកម្លាំងចិត្ត” លោកនិយាយ។

"ឆ្នាំថ្មី បន្ទាប់ពីវាបានកន្លងផុតទៅ វានឹងមានភាពអស្ចារ្យសំរាប់ពួកយើង នេះគឺជាអ្វីដែលខ្ញុំបាននិយាយប្រាប់កូនរបស់ខ្ញុំ" លោកបានបន្ថែម។ ស្រីលង្ការក្នុង រយៈពេលប៉ុន្មានខែនេះ បានបន្តឲ្យមានការខ្វះខាតនូវប្រេង ម្ហូបអាហារនិងការខ្វះខាតចរន្តអគ្គីសនីជារៀងរាល់ថ្ងៃ។ ភាគច្រើននៃរបស់ទាំងអស់នោះត្រូវបង់ថ្លៃដោយរូបីយវត្ថុដែលពិបាករកជាទីបំផុតតែ ស្រីលង្ការកំពុងតែធ្លាក់ទៅក្នុងភាពក្ស័យធន ក្នុងការជំពាក់បំណុលបរទេសចំនួន២៥ពាន់លានដុល្លារដែលនឺងត្រូវសងក្នុងរយះពេល៥ឆ្នាំក្រោយ និង៧ពាន់លានដុល្លារទៀតនៅក្នុងឆ្នាំនេះ៕