Colombo ,CNN-

ប្រជាពលរដ្ឋដែលមានកំហឹងបានចោលដុំឥដ្ឋ និងចាប់ផ្តើមដុតនៅខាងក្រៅលំនៅដ្ឋានឯកជនរបស់លោក ប្រធានាធិបតីស្រីលង្កា Gotabaya Rajapaska ខណៈដែលប៉ូលីសបានប្រើឧស្ម័នបង្ហូរទឹកភ្នែកនិងឡានទឹកដើម្បីបំបែកបាតុកម្ម។ ” ប្រជាពលរដ្ឋត្រូវបានគេមើលឃើញថាមានកំហឹង បានស្រែកឡូឡា” Upol បាននិយាយ ដែលសុំបញ្ចេញតែឈ្មោះខ្លីរបស់គាត់ ដោយខ្លាចមានការធ្វើបាបពីអាជ្ញាធរ។ "នៅដើមសប្តាហ៍នេះ ពួកគេបានទាមទារឲ្យលោកប្រធានាធិបតីចុះចេញពីតំណែង ពួកគេបានស្រែកហៅឈ្មោះលោកចំៗ"។

ហាងលក់ទំនិញត្រូវបង្ខំចិត្តបិទទ្វារ ពីព្រោះខ្លាខមានការវាយសម្រុកចូលយកអីវ៉ាន់។​ បន្ទាប់ពីមានការតវ៉ា ប៉ូលីសបានដាក់ចេញនូវបំរាមគោចរ ហើយលោកប្រធានាធិបតីបានចេញបញ្ជាឲ្យប្រកាសនូវភាពអាសន្ននៅទូទាំងប្រទេស ដោយអនុញ្ញាតឲ្យអាជ្ញាធរចាប់មនុស្សដោយគ្មានដីការ។ កាលពីល្ងាចថ្ងៃសៅរ៍ ស្រីលង្កាបានប្រកាសនូវបំរាមគោចរចំនួន៣៦ម៉ោង ដែលជាប្រសិទ្ធភាពក្នុងការរារាំងកុំឲ្យរៀបចំផែនការ​ ការតវ៉ានៅថ្ងៃអាទិត្យ។ ប៉ុន្តែប្រជាពលរដ្ឋនៅតែធ្វើការតវ៉ាទោះជាយ៉ាងណាក៏ដោយ។

នៅក្នុងសេចក្តីថ្លែងការណ៍កាលពីថ្ងៃអាទិត្យប៉ូលីសបាននិយាយថា ពួកគេបានចាប់ខ្លួនមនុស្ស​ ៦៦៤នាក់ដែលបានរំលោភបំរាមគោចរណ៍។ ទន្ទឹមគ្នានោះដែរ រដ្ឋាភិបាលបានស្វែងរកការគាំទ្រផ្នែកហិរញ្ញវត្ថុពីអង្គការមូលនិធីអន្តរជាតិ IMF និងបានងាកទៅរកមហាអំណាចក្នុងតំបន់ដើម្បីឲ្យជួយ។ ប៉ុន្តែការមានកំហឹងកាន់តែរីកធំឡើងនៅក្នុងស្រីលង្កា និងអ្នកជំនាញបានព្រមានថា ស្ថានការណ៍ទំនងជានឹងកាន់តែអាក្រក់ មុនពេលដែលវានឹងប្រសើរឡើងវិញ។ អស់រយៈពេលជាច្រើនសប្តាហ៍ ជីវិតនៅក្នុងស្រីលង្កាបានពាក់ព័ន្ធទៅនឹងការបន្តកន្ទុយគ្នា ដើម្បីទិញទំនិញដែលជាមូលដ្ឋានសំរាប់ការរស់នៅប្រចាំថ្ងៃ។

“ការស់នៅប្រចាំថ្ងៃរបស់ពួកយើងបានធ្លាក់ចុះមកឈរបន្តកន្ទុយគ្នាដើម្បីទិញទំនិញ” Malkanthi Silva អាយុ៥៣ឆ្នាំ បាននិយាយក្នុងពេលដែលនាងបានឈរផ្អែកទៅនឹងបំពង់ហ្គាសពណ៌ខៀវនៅក្នុងទីក្រុងកូឡុំបូ ខណៈដែលបានឈររង់ចាំអស់ជាច្រើនម៉ោង ដើម្បីទិញប្រេងទៅចំអិនម្ហូបអាហារដើម្បីផ្គត់ផ្គង់គ្រួសាររបស់នាង។​​ ពេលណាយើងត្រូវការម្សៅទឹកដោះគោ ក៏ត្រូវឈរបន្តកន្ទុយគ្នាដែរ បើសិនជាយើងត្រូវការថ្នាំពេទ្យក៏ឈរបន្តកន្ទុយគ្នាដែរ។ “៣០ភាគរយគឺគ្មានសំណាង ៧០%ដោយសារតែការចាត់ចែងមិនបានល្អ” Mutaza បាននិយាយ យោងទៅរកការរិះគន់ចំពោះការដឹកនាំរបស់រដ្ឋាភិបាល៕