Newyork-

សឹង្ហបុរីប្រកាន់ជំហរយ៉ាងម៉ឺងម៉ាត់ប្រឆាំងនឹងការឈ្លានពានរបស់រុស្សី ពីព្រោះគេបានទ្រទ្រង់នូវគោលការណ៍ដ៏សំខាន់ដើម្បីឆ្លើយទៅនឹងផលប្រយោជន៍ដ៏យូរអង្វែងរបស់ជាតិរបស់ខ្លួន ដែលជាអធិបយេយ្យភាពនិងបូរណភាពដែនដីនៃប្រទេសទាំងអស់ លោកនាយករដ្ឋមន្ត្រីសឹង្ហបុរី Lee Hsiang Longបាននិយាកាលពីថ្ងៃព្រហស្បត៍។ ជំហរនេះ គឺជាជំហរមួយដែលសឹង្ហបុរីបានប្រកាន់យកដោយឥតងាករេអស់រយៈពេលជាច្រើនឆ្នាំ លោកបានបន្ថែមនៅក្នុងពេលដែលជួបជាមួយប្រព័ន្ធផ្សព្វផ្សាយបន្ទាប់ពីបានធ្វើទស្សនកិច្ចអស់រយៈពេលដ៏យូរ១សប្តាហ៍នៅសហរដ្ឋអាមេរិក។

នៅពេលដែលបានសួរថា លោកត្រូវនិយាយទៅកាន់ប្រជាពលរដ្ឋសឹង្ហបុរីថាតើនឹងប្រកាន់ជំហរនៅខាងណា លោកនាយករដ្ឋមន្ត្រីបានឆ្លើយថា "យើងបានគោលការណ៍និងយើងទ្រទ្រង់នូវគោលការណ៍ដើម្បីឆ្លើយតបទៅនឹងផលប្រយោជន៍ជាតិដ៏យូរលង់ ហើយយើងនឹងទ្រទ្រង់ដោយឥតងាករេ"។ គោលការណ៍មួយនៅក្នុងគោលការណ៍អស់ទាំងនេះគឺគ្មានអំពើហឹង្សារនៃអធិបតេយ្យភាពនិងបូរណភាពដែនដីនៃប្រជាជាតិទាំងអស់ ដែលបានចែងយ៉ាងពិសិដ្ឋនៅក្នុងធម្មនុញ្ញនៃអង្គការសហប្រជាជាតិ ដែលឥឡូវនេះកំពុងតែស្ថិតនៅក្នុងគ្រោះភ័យនៃទំនាស់អ៊ុយក្រែន។

“វាគឺជាគោលការណ៍ជាមូលដ្ឋានដែលមានសារៈសំខាន់សំរាប់យើង ពីព្រោះបើសិនជាឈរនៅលើការឆាបឆក់យក ពេលនោះតើមូលដ្ឋានអ្វីដែលយើងត្រូវនិយាយចំពោះសន្តិសុខដែលត្រូវមានសុវត្តិភាពនៅក្នុងពិភពលោក” លោកនាយករដ្ឋមន្ត្រីបាននិយាយ។ "ដូច្នេះយើងត្រូវតែមានជំហរមោះមុត” លោកបន្ថែម ដោយចង្អុលបង្ហាញទៅនឹងការប្រកាសរបស់ប្រទេសកាលពីខែកុម្ភះ ក្នុងការដាក់ទណ្ឌកម្មខាងហិរញ្ញវត្ថុនិងត្រួតពិនិត្យការនាំចេញលើរុស្សី។

សឹង្ហបុរីក៏បានប្រកាន់ជំហរប្រឆាំងទៅនឹងការឈ្លានពានរបស់សហរដ្ឋអាមេរិកទៅលើប្រទេស Grenada ផងដែរនៅឯមហាសន្និបាត អ.ស.ប. កាលពីឆ្នាំ១៩៨៣។ "យើងបានបោះឆ្នោតប្រឆាំងនឹងពួកគេនៅឯ អ.ស.ប. មិនមែនមានន័យថាយើងជាសត្រូវរបស់សហរដ្ឋអាមេរិកទេ ប៉ុន្តែយើងមិនយល់ព្រមចំពោះអ្វីដែលគេធ្វើ" លោកបានបន្ថែម។ ដូចគ្នាដែរ ក្នុងករណីនៃអ៊ុយក្រែនយើងមិនមែនជាសត្រូវរបស់រុស្សីទេ លោកនាយករដ្ឋមន្ត្រីបាននិយាយជាភាសារចិនក្នុងការឆ្លើយតបទៅនឹងសំណួរដាច់ដោយឡែករបស់ប្រព័ន្ធផ្សព្វផ្សាយ៕