កាលពីថ្ងៃទី៣០ ខែមីនា ឆ្នាំ២០២២ អតិថិជនជាង២២៨គ្រួសារ បានកើតទុក្ខមិនសុខចិត្តនឹងបុរីកាំងម៉េង ហើយបានដាក់ពាក្យបណ្ដឹងតាមរយៈមេធាវី ម៉ៃវណ្ណាឌី និងមេធាវី ខូវ ពេជ្រ ដែលជាសមាជិកគណៈមេធាវីនៃព្រះរាជាណាចក្រកម្ពុជា និងជាសហមេធាវីតំណាងដោយអាណត្តិឲ្យប្រជាពលរដ្ឋ ដែលបានទិញដីពីបុរីកំាងម៉េងទៅពីរស្ថាប័នគឺ សាលារាជធានីភ្នំពេញ និងសាលាខេត្តកណ្តាល ដើម្បីឲ្យជួយធ្វើអន្តរាគមន៍ និងរកដំណោះស្រាយជូនពួកគាត់ ដោយសារតែម្ចាស់បុរីនេះមិនបានបំពេញកាតព្វកិច្ច និងគោរពទៅតាមកិច្ចសន្យារបស់ខ្លួនក្នុងការផ្ទេរកម្មសិទ្ធិដីធ្លី និងប្លង់បំបែកក្បាលដីដល់អតិថិជនរបស់ខ្លួន ទៅតាមកាលកំណត់ បើទោះបីជាពួកគាត់បានបង់ប្រាក់ថ្លៃដីគ្រប់ចំនួនជូនទៅបុរីហើយក៏ដោយ ហើយម្ចាស់បុរីបែរជាទៅដាក់លក្ខខ័ណ្ឌឲ្យពួកគាត់ថែមទៀតដោយតម្រូវឲ្យពួកគាត់ត្រូវបង់ថ្លៃផ្លូវ និងលូដែលមានតម្លៃខ្ពស់ហួសពីទីផ្សារជាឯកតោភាគី៕
