បុណ្យភូមិគឺជាពិធីបុណ្យប្រជាប្រិយខ្មែរដែលនិយាយទាក់ទងនឹងវប្បធម៏ហើយតែងតែប្រារព្ភធ្វើឡើងនៅតាមវត្តអារាមក្នុងភូមិនិងនៅពេលគៀកពិធីបុណ្យចូលឆ្នាំប្រពៃណីខ្មែរ។គួររំលឹកដែរថាពិធីបុណ្យនេះត្រូវបានបង្កើតឡើងដោយក្រុមភ្លើងកុបនិងវិទ្យុABCកម្ពុជានៅខែមេសាឆ្នាំ២០១៤។នៅក្នុងពិធីបុណ្យនេះគេមានការបង្ហាញពីល្បែងកម្សាន្តខ្មែរសិល្បៈល្ខោននិងមានការដាក់តាំងលក់ផលិតផលចំណីអាហាររបស់អ្នកភូមិផងដែរ។គួរឲ្យសោកស្តាយពិធីបុណ្យនេះត្រូវបានខកខានមិនបានធ្វើអស់រយៈពេលពីរឆ្នាំគឺដោយសារតែជំងឺកូវីដ ១៩ តែឥឡូវនេះវាបានចាប់ផ្តើមងើបឡើងវីញហើយ។ ដូច្នេះតើ បុណ្យភូមិ ឆ្នាំ២០២២ នឹងប្រព្រឹត្តិឡើងនៅពេលណា?
តាមរយៈការប្រកាសនៅក្នុងផេកផ្លូវការរបស់ ក្រុមបុណ្យភូមិ បានឲ្យដឹងថា កម្មវិធី បុណ្យភូមិ ឆ្នាំទី៩ ២០២២នេះហើយវានឹងប្រព្រឹត្តិទៅពីរលើកគឺ នៅថ្ងៃទី ១-២-៣ និងថ្ងៃទី ៨-៩-១០ នៃខែមេសា និងមានការសហការគ្នាផងដែរពី ក្រុមហ៊ុន Smart Axiata និង J&T Express Cambodia ។ អមជាមួយនឹងពាក្យមួយឃ្លាថា «ខ ខាល ក្លាក្លំ ខាលនាំសុខដុម បង្គំសិរី»សូមផ្ញេីកំលាំងចិត្ត និងក្តីសង្ឃឹមតាមរយៈរូបតំណាងឆ្នាំនេះ កងរំពងទៅដល់ប្រជាជនកម្ពុជាទាំងអស់គ្នា ពិធីបុណ្យភូមិឆ្នាំនេះគឺដឹងតែកក្រើកទៀតហើយ។តែទោះជាយ៉ាងណាក៏ដោយសម្រាប់ទីកន្លែងដែលត្រូវប្រារព្ភធ្វើនឹងត្រូវបានប្រកាសក្នុងពេលឆាប់ៗនេះ។
