CNA-Lviv

អ៊ុយក្រែនមានឆន្ទៈចង់ក្លាយជាប្រទេសអព្យាក្រិតនិងធ្វើការសម្របសម្រួលលើរឿងតំបន់ Donbas ភាគខាងកើត ជាផ្នែកមួយនៃកិច្ចព្រមព្រៀងសន្តិភាព លោកប្រធានាធិបតី Volodymyr Zelensky បាននិយាយកាលពីថ្ងៃអាទិត្យ ទោះបីជាមន្ត្រីជាន់ខ្ពស់អ៊ុយក្រែនបានចោទប្រកាន់រុស្សីថាមានបំណងបំបែកប្រទេសជា២។ Zelensky បានបញ្ចេញសាររបស់លោកដោយផ្ទាល់ទៅកាន់អ្នកកាសែតរុស្សីនៅក្នុងការហៅតាមវីឌីអូរថាវិមានក្រឹមឡាំងបានព្រមានប្រព័ន្ធផ្សព្វផ្សាយរុស្សីមិនឲ្យរាយការណ៍ ដោយនិយាយថាកិច្ចព្រមព្រៀងត្រូវតែធានាដោយភាគីទី៣ និងដាក់ចូលធ្វើប្រជាមតិ។

“ការធានានូវសន្តិសុខនិងអព្យាក្រិតភាព លក្ខ័ណនៃការគ្មាននុយគ្លេអ៊ែររបស់រដ្ឋយើង យើងបានប្រុងប្រៀបរួចជាស្រេចដើម្បីជជែកពីបញ្ហានេះ” លោកបាននិយាយជាភាសាររុស្សី។ ប៉ុន្តែទោះបីជាទួរគីបានរៀបចំដើម្បីឲ្យមានការជជែកគ្នាក្នុងសប្តាហ៍នេះ ប្រធានចារកម្មយោធានៃអ៊ុយក្រែន Kyrylo Budanov បាននិយាយថាលោកប្រធានាធិបតីរុស្សី Vladimir Putin បានមានគោលបំណងនឹងចាប់យកភាគខាងកើតរបស់អ៊ុយក្រែន។ "ការពិត គឺជាការប៉ុនប៉ងនឹងបង្កើតនូវកូរ៉េខាងជើងនិងខាងត្បូងនៅអ៊ុយក្រែន" លោកនិយាយដោយយោងទៅរកការបែងចែកឧបទ្វីបកូរ៉េបន្ទាប់ពីសង្រ្គាមលោកលើកទី២ត្រូវបានបញ្ចប់។

Zelensky បានជម្រុញឲ្យលោកខាងលិចផ្តល់ឲ្យអ៊ុយក្រែននូវរថក្រោះ យន្តហោះនិងមីស៊ីលដើម្បីជួយទប់ទល់នឹងកងកម្លាំងរុស្សី។ នៅការសន្ទនាតាមទូរស័ព្ទជាមួយ Putin កាលពីថ្ងៃអាទិត្យ លោកប្រធានាធិបតី ទួរគី Tayyip Erdogan បានយល់ព្រមនឹងរៀបចំឲ្យមានការជួបប្រជុំគ្នាមួយនៅទីក្រុង Istanbul និងអំពាវនាវឲ្យមានបទឈប់បាញ់គ្នាមួយនិងលក្ខខ័ណ្ឌដ៏ល្អប្រសើររបស់មនុស្សធម៌ ការិយាល័យរបស់លោកបាននិយាយ។ ក្រុមអ្នកចរចាររុស្សីនិងអ៊ុយក្រែន បានបញ្ជាក់ថាការជជែកគ្នាដោយផ្ទាល់នឹងកើតឡើង។ 

មន្ត្រីជាន់ខ្ពស់អាមេរិកបានស្វែងរកកាលពីថ្ងៃអាទិត្យនូវការបំភ្លឺថា សហរដ្ឋអាមេរិកមិនមានផែនការក្នុងការផ្លាស់ប្តូររបបនៅក្នុងប្រទេសរុស្សីនោះទេ បន្ទាប់ពីលោកប្រធានាធិបតី Joe-Biden បាននិយាយនៅក្នុងការបញ្ចប់សុន្ទរកថារបស់លោកនៅក្នុងប៉ូឡូញកាលពីថ្ងៃសៅរ៍ថា Putin មិនអាចនៅក្នុងអំណាចបានទៀតទេ។ លោករដ្ឋមន្ត្រីក្រសួងការបរទេសអាមេរិក Antony Blinken បាននិយាយថា Biden បាននិយាយដោយសាមញ្ញដែលមានន័យថា Putin មិនអាចប្រើអំណាចដើម្បីពង្រីកសង្រ្គាមប្រឆាំងនឹងអ៊ុយក្រែន ឬនៅទីកន្លែងផ្សេងបានទេ។