ក្រុមតំណាងរាស្រ្តមណ្ឌលខេត្តព្រៃវែងចំនួន  11រូប ដឹកនាំដោយឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី1នៃរដ្ឋសភាជាតិ បានជួបប្រជុំសំណេះសំណាលជាមួយមន្រ្តីរាជការ បេក្ខជនក្រុមប្រឹក្សាសង្កាត់ទាំងបួន លោកមេភូមិក្នុងក្រុងព្រៃវែងរបស់គណបក្សយើង សរុបចំនួន215នាក់ ក្រោមបរិយាកាសស្និតស្នាល និងរាក់ទាក់គួរអោយកត់សំគាល់។

ក្រុងព្រៃវែង ខេត្តព្រៃវែងមានគណបក្សបួនឈរឈ្មោះប្រគួតប្រជែង។ ហើយមានតែគណបក្សយើងទេ ដែលមានកម្មវិធីនយោបាយសំខាន់ៗ 7ចំនុចច្បាស់លាស់ និងធនធានមនុស្សរបស់យើងដ៏ពូកែនៅតែមានប្រៀបលើគូរប្រជែង។ សន្តិភាពជាកត្តាស្លាប់រស់របស់មនុស្សជាតិ ដូច្នេះគណបក្សប្រជាជនកម្ពុជាជាស្នូលនិងគន្លឹះសម្រាប់ថែរក្សាសន្តិភាព។