សូកូឡាគឺ ជាអាហារផ្អែម និងមានរស់ជាតិឆ្ងាញ់ដែលធ្វើចេញពីផ្លែកាកាវ។ ខណៈពេលដែលផ្លែកាកាវមានរសជាតិល្វីងពីធម្មជាតិ ការបន្ថែមស្ករនិង គ្រឿងផ្សំផ្សេងទៀតក៏អាចជួយឱ្យកាកាវផ្អែមផងដែរ ព្រោះវាប្រែទៅជាសូកូឡា នេះបើយោងទៅតាម Scientific American ។

ប្រសិនបើអ្នកធ្លាប់កើតមុន បន្ទាប់ពីញ៉ាំសូកូឡាមួយដុំ អ្នកប្រហែលជាសន្មត់ថា សូកូឡាអាចបណ្តាលឱ្យកើតមុន ឬធ្វើឲ្យការឡើងមុនកាន់តែអាក្រក់ទៅៗ ប៉ុន្តែចម្លើយគឺមិនច្បាស់នោះទេ។ ខណៈពេលដែលសូកូឡាពិតជាទទួលបានកេរ្តិ៍ឈ្មោះមិនល្អអំពីបញ្ហានេះអស់រយៈពេលជាច្រើនឆ្នាំមកនេះ មិនមានភស្តុតាងវិទ្យាសាស្រ្តណាមួយដែលបង្ហាញថា សូកូឡាខ្លួនឯងអាចបណ្តាលឱ្យកើតមុននោះទេ (តាមរយៈ Verywell Health)។ ទោះជាយ៉ាងណាក៏ដោយ នោះមិនមានន័យថា សារធាតុផ្សំផ្សេងទៀតនៅក្នុងសូកូឡា មិនត្រូវបានផ្សារភ្ជាប់ទៅនឹងការកើនឡើងនៃការឡើងមុននោះទេ។

សារធាតុផ្សំមួយចំនួននៅក្នុងសូកូឡាអាចបណ្តាលឱ្យកើតមុន

សូកូឡាពិតជាអាចជួយកែលម្អស្បែករបស់អ្នក ព្រោះតែវាសំបូរទៅដោយសារធាតុ flavonols និងសារធាតុប្រឆាំងអុកស៊ីតកម្មធម្មជាតិ ដែលអាចជួយកាត់បន្ថយការរលាក និងបន្សាបការខូចខាតអុកស៊ីតកម្ម (តាមរយៈ Byrdie)។ ទោះជាយ៉ាងណាក៏ដោយ ប្រសិនបើសូកូឡារបស់អ្នកត្រូវបានកែច្នៃខ្ពស់ និងផ្ទុកដោយសារធាតុបំពេញ សារធាតុបន្ថែម ស្ករ និងស៊ីរ៉ូពោត អ្នកប្រហែលជាចាប់ផ្តើមឡើងមុនហើយ។ មេចុងភៅ និងអាហាររូបត្ថម្ភ Serena Poon បានប្រាប់ Byrdie ថា "ជាតិស្ករ ទឹកដោះគោ និងអាហារកែច្នៃ អាចរំខានដល់អតិសុខុមប្រាណក្នុងពោះវៀនរបស់អ្នក ដែលនាំឱ្យមានបញ្ហាស្បែក។

បើប្រៀបធៀបទៅនឹងសូកូឡាខ្មៅ និងសូកូឡាទឹកដោះគោ មាននិន្នាការមានសារធាតុផ្សំទាំងនេះច្រើនជាង។ "ប្រសិនបើគោលបំណងសំខាន់របស់អ្នកក្នុងការញ៉ាំសូកូឡាគឺដើម្បីបង្កើនសុខភាពរបស់អ្នក" Poon បានបន្តទៀតថា "នោះអ្នកនឹងចង់ជ្រើសរើសសូកូឡាខ្មៅបំផុត ដែលអ្នកអាចរកបានដោយគ្មានគ្រឿងផ្សំបន្ថែមណាមួយឡើយ"។ វាក៏ល្អបំផុតផងដែរក្នុងការរកមើលសូកូឡាសរីរាង្គ និងគ្រាប់ធុញ្ញធម្មជាតិផ្សេងៗទៀត។ ពួកវានឹងទំនងជាមិនសូវមានសារធាតុបំពេញ និងគ្រឿងផ្សំសិប្បនិម្មិតដែលមិនប៉ះពាល់ដល់ស្បែកនោះទេ៕