The guardian-

ចិនបានរៀបចំកោះ៣ ឲ្យទៅជាមូលដ្ឋានយោធាក្នុងចំណោមកោះជាច្រើនដែលមានជម្លោះក្នុងសមុទ្ទចិនខាងត្បូង ដោយមានបំណងដើម្បីទុកជាមូលដ្ឋានមីស៊ីលប្រឆាំងទៅនឹងយន្តហោះនិងនាវា,ជាកន្លែងដែលប្រើប្រាស់ឡាស្សែរនិងយន្តហោះសំរាប់គំរាមកំហែងនិងទន្រ្ទានប្រជាជាតិទាំងឡាយដែលធ្វើប្រតិបត្តិការនៅក្បែរនោះ មន្ត្រីយោធាជាន់ខ្ពស់អាមេរិកបាននិយាយកាលពីថ្ងៃអាទិត្យ ដែលផ្ទុយនឹងអ្វីដែលលោកប្រធានាធិបតី Xi បាននិយាយថានឹងមិនធ្វើនគរូបនីយកម្មនៅលើកោះទាំងនោះទេ ក៏វាជាការបង្ហាញសាច់ដុំផ្នែកយោធានៅទីនោះដែរ។

“អស់រយៈពេលជាង២០ឆ្នាំហើយ ដែលយើងគឺជាសាក្សីនៃការករសាងយោធាដ៏ធំចាប់តាំងពីសង្រ្គាមលោកលើកទី២នៃសាធារណរដ្ឋប្រជាមានិតចិន” ។​ Aquillino បានប្រាប់ AP នៅក្នុងបទសម្ភាសន៍មួយ “ពួកគេបានប្រើប្រាស់និងធ្វើឲ្យមានការរីកចម្រើនទៅមុខដោយពង្រីកនូវសព្វាវុធនិងករសាងសម្ត្ថភាពយោធាដើម្បីធ្វើឲ្យតំបន់គ្មានស្ថិរភាព”។ មិនមានការធ្វើអត្ថាធិប្បាយភ្លាមៗពីមន្ត្រីចិននោះទេ ចិនបានរក្សារនូវសមត្ថភាពយោធារបស់គេគឺក្នុងន័យការពារខ្លួនសុទ្ធសាធ រៀបចំការការពារខ្លួននូវអ្វីដែលគេហៅថាជាសិទ្ធនៃអធិបតេយ្យភាព។

Aquillino បាននិយាយជាមួយទីភ្នាក់ងារសារពត៌មាន AP នៅលើយន្តហោះឈ្លបយកការណ៍ដែលហោះនៅជិតប៉ុស្តិ៍ល្បាតចិននៅក្នុងសមុទ្ទចិនខាងត្បូងនៃទីប្រជុំកោះ Spratly ដែលជាកន្លែងមួយដែលមានការប្រកួតប្រជែងយ៉ាងក្តៅគគុកនៅក្នុងតំបន់ក្នុងពិភពលោក។ ក្នុងអម្លុងពេលនៃការយាមល្បាត យន្តហោះ P-8A ត្រូវបានព្រមានជាបន្តបន្ទាប់ដោយអ្នកហៅទូរស័ព្ទចិនថាបានចូលមកដោយខុសច្បាប់ចំពោះអ្វីដែលគេហៅថាជាអធិបតេយ្យភាពរបស់ចិន ព្រមទាំងបានបញ្ជាឲ្យយន្តហោះចាកចេញជាបន្ទាន់។

“ចិនមានបូរណភាពដែនដីនៅលើកោះ Spratly ក៏ដូចជាដែនសមុទ្ទដែលនៅជុំវិញ ចេញឲ្យឆ្ងាយជាបន្ទាន់ដើម្បីជៀសវាងនូវការកាន់ច្រឡំ” សម្លេងវិទ្យុទាក់ទងចិនបានព្រមានខ្លាំងៗមកលើយន្តហោះអាមេរិកក្នុងការំំរាមកំហែងមួយ។ ប៉ុន្តែយន្តហោះអាមេរិកបានច្រានចោលនូវការព្រមានជាច្រើនសារនោះ ហើយនៅតែរឹងរូសក្នុងការហោះសង្កេតការណ៍ដែលមានសាក្សី២រូបគឺអ្នកកាសែត AP​ ដែលជិះនៅលើយន្តហោះដែរ “ខ្ញុំគឺជាយន្តហោះសហរដ្ឋអាមេរិក ដែលកំពុងតែធ្វើសកម្មភាពយោធាស្របច្បាប់ នៅឆ្ងាយពីដែនទឹកនិងកោះនិងដែនអាកាសនៃប្រទេសណាមួយ” អាកាសយានិកអាមេរិកបានឆ្លើយតបទៅវិញតាមវិទ្យុទាក់ទង។