LVIV-Ukraine-

សហរដ្ឋអាមេរិកបានព្រមានចិនប្រឆាំងទៅនឹងការផ្តល់ជំនួយខាងយោធា និងហិរញ្ញវត្ថុទៅឲ្យក្រុងមូស្គូ បន្ទាប់ពីបានឈ្លានពានអ៊ុយក្រែន នៅពេលដែលទណ្ឌកម្មទៅលើអ្នកនយោបាយ និងអ្នកជំនួញបានកើនឡើង ហើយជនស៊ីវិលបានរត់គេចខ្លួនចេញពីការប្រយុទ្ធគ្នាយ៉ាងស្វិតស្វាញនៅលើដី។ ការចរចាគ្នាបន្ថែមទៀតរវាងក្រុមអ្នកចរចាអ៊ុយក្រែន និងរុស្សី ដើម្បីសម្រួលនូវវិបត្តិត្រូវបានគេរំពឹងគិតថា នឹងធ្វើនៅថ្ងៃព្រហស្បតិ៍ ទី១៥ ខែមីនា បន្ទាប់ពីមានការពិភាក្សាកាលពីថ្ងៃច័ន្ទ តាមវីឌីអូដែលបានបញ្ចប់ទៅដោយការរីកចម្រើនត្រូវបានប្រកាស។

ស្នូរគ្រាប់ផ្ទុះយ៉ាងខ្លាំងចំនួន២គ្រាប់ បានធ្វើឲ្យរញ្ជួយទីក្រុង Kyiv មុនពេលទាបភ្លឺ និងស្នូរស៊ីរ៉ែនបានបន្លឺឡើងនៅក្នុងតំបន់ផ្សេងៗគ្នារួមទាំង Odessa Chernihiv Chekasy និង Simla ។ មនុស្សជាច្រើនពាន់នាក់ត្រូវបានស្លាប់ក្នុងការប្រយុទ្ធដ៏តឹងតែង និងការទំលាក់គ្រាប់បែក ចាប់តាំងពីប្រធានាធិបតី Vladimir Putin បញ្ជាឲ្យមានការឈ្លានពានកាលពីថ្ងៃទី២៤ ខែកុម្ភះ។ រុស្សីបានហៅរង្វើនេះថាជា ប្រតិបត្តិការយោធាពិសេស ដើម្បីកំចាត់ពួក NAZI នៅក្នុងប្រទេសនិងការពារការប្រល័យពូជសាសន៍ អំណះអំណាងដែលសហរដ្ឋអាមេរិក និងសម្ព័ន្ធមិត្តបានបដិសេធថាជា លេសក្នុងការវាយប្រហារដោយគ្មានការវិនិច្ឆ័យនិងខុសច្បាប់។

ដោយយោលទៅតាមមន្ត្រីអាមេរិក រុស្សីបានស្នើរសុំជំនួយសេដ្ឋកិច្ច និងយោធាក្នុងការគាំទ្រពីទីក្រុងប៉េកាំង ដែលជាការផ្តល់សញ្ញានូវឆន្ទះ ដើម្បីផ្តល់ជំនួយ។ទីក្រុងមូស្គូបានប្រកែកដោយនិយាយថា គេមានធនធានគ្រប់គ្រាន់ដើម្បីបំពេញនូវគោលបំណងរបស់គេ។ ក្រសួងការបរទេសចិនបានលាបពណ៌ថា របាយការណ៍នៃជំនួយនេះគឺជាព័ត៌មានក្លែងក្លាយ។ "យើងបានធ្វើទំនាក់ទំនងយ៉ាងច្បាស់លាស់ជាមួយទីក្រុងប៉េកាំងថា យើងនឹងមិនរង់ចាំទេ “អ្នកនាំពាក្យក្រសួងការបរទេសបានប្រាប់អ្នកយកព័ត៌មាន បន្ទាប់ពីទីប្រឹក្សាសន្តិសុខជាតិ Jake Sullivan បានជួបជាមួយអ្នកការទូតចិន Yang Jiechi ។

ការជួបគ្នាអស់រយៈពេល៧ម៉ោង ដែលប្រកបទៅដោយភាពតានតឹង និងបត់បែនក្នុងសភាពការណ៍ដ៏ធ្ងន់ធ្ងរក្នុងពេលបច្ចុប្បន្ន បើយោលទៅតាមមន្ត្រីសហរដ្ឋអាមេរិក៕