ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានអំពាវនាវដល់រដ្ឋាភិបាលប្រទេសរុស្ស៊ី និងរដ្ឋាភិបាលប្រទេស អ៊ុយក្រែន ឱ្យចរចាគ្នាដើម្បីបញ្ចប់សង្រ្គាម។
មានប្រសាសន៍ក្នុងពិធីសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិនត្បូងឃ្មុំ នាព្រឹកថ្ងៃទី៧ ខែមីនា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានលើកឡើងថា ដំណោះស្រាយ នៃសង្រ្គាមរវាងប្រទេសរុស្ស៊ី និងប្រទេស អ៊ុយក្រែន គឺមានតែការចរចាប៉ុណ្ណោះ។
សម្តេចតេជោ មានប្រសាសន៍ទៀតថា អ្វីដែលត្រូវធ្វើ គឺការឈប់បាញ់នៅនឹងកន្លែងហើយត្រូវចរចាដោយម្ខាងជាមួយរុស្សី-អ៊ុយក្រែន និងម្ខាងទៀតចរចាជាមួយណាតូ។
សូមបញ្ជាក់ថា កាលពីថ្ងៃទី២ ខែមីនា ឆ្នាំ២០២២ ក្នុងមហាសន្និបាតអង្គការសហប្រជាជាតិតំណាងកម្ពុជា បានបោះឆ្នោតគាំទ្រលើដីកាដំណោះស្រាយ ស្ដីពីវិបត្តិសង្គ្រាមនៅក្នុងប្រទេសអ៊ុយក្រែន ដោយទាមទារឱ្យរុស្ស៊ី បញ្ឈប់ការប្រើប្រាស់កម្លាំងប្រឆាំងនឹងអ៊ុយក្រែន ព្រមទាំងត្រូវដកកងកម្លាំងយោធារបស់ខ្លួនចេញពីប្រទេស អ៊ុយក្រែន វិញ៕
