Ukaraine-AP

រដ្ឋមន្ត្រីក្រសួងការបរទេសអ៊ុយក្រែន Dmytro Kubela បាននិយាយថាមនុស្សច្រើនជាង២០,០០០នាក់មកពី៥២ប្រទេសបានស្ម័គ្រចិត្តរួចជាស្រេចដើម្បជួយប្រយុទ្ធក្នុងអ៊ុយក្រែន ដែលជាកន្លែងដែលគេនឹងបំរើការដោយបង្កើតជាកងពិសេសអន្តរជាតិថ្មីមួយ។ លោកមិនបាននិយាយថាតើមានអ្នកស្ម័គចិត្តបរទេសប៉ុន្មានអ្នកហើយដែលបានមកដល់អ៊ុយក្រែន។ “ពិភពលោកបច្ចុប្បន្ននេះនៅជាមួយអ៊ុយក្រែន មិនក្នុងពាក្យសំដីទេតែនៅក្នុងសកម្មភាព” Kubelaបាននិយាយនៅក្នុងទូរ៛ស្សន៍អ៊ុយក្រែនកាលពីយប់ថ្ងៃអាទិត្យ។

លោកមិនបានបញ្ចេញឈ្មោះប្រទេសនៃអ្នកស្ម័គ្រចិត្តទេ ដោយនិយាយថាពួកគេខ្លះមិនបានបង្ហាញសញ្ជាតិចំពោះប្រទេសដែលគេជួយច្បាំងនោះទេ។ Kubela បានជំរុញផងដែរចំពោះជនជាតិអ៊ុយក្រែនដែលកំពុងរស់នៅបរទេសចាប់ផ្តើមធ្វើយុទ្ធនាការដើម្បីជំរុញឲ្យ អ៊ុយក្រែនឆាប់បានចូលជាសមាជិកក្នុងសហគមន៍អឺរ៉ុប។​​ ស្ថិតិក្នុងរយៈពេលប៉ុន្មានថ្ងៃមុនដែលបញ្ចេញដោយក្រសួងការបរទេសអ៊ុយក្រែន មានចំនួនតែ ១៦,០០០ នាក់តែប៉ុណ្ណោះ តែចំនួនបានចេះតែកើនឡើងគួរឲ្យចាប់អារម្មណ៍ ដែលបង្ហាញថាប្រជាពលរដ្ឋក្នុងពិភពលោកមិនគាំទ្រការឈ្លានពានរបស់រុស្សីមកលើ អ៊ុយក្រែនទេ។

ការប្រយុទ្ធគ្នានៅតែបន្ត បណ្តាលឲ្យមានការផ្អាក ជំលៀសពលរដ្ឋចំនួន២០០,០០០នាក់ពីទីក្រុងដែលត្រូវឡោមព័ទ្ធ គឺទីក្រុង Mariupol ក្នុងថ្ងៃទី២ជាប់គ្នាកាលពីថ្ងៃអាទិត្យ ខណៈដែលលោកប្រធានាធិបតីរុស្សី Vladimir Putin បានប្តេជ្ញាចិត្តថានឹងបន្តនូវការកៀបសង្កត់ទៅមុខរហូតដល់ទីក្រុង​ Kyiv ទទួលយកការចុះចាញ់។ មនុស្សភាគច្រើនដែលនៅជាប់ក្នុងទីក្រុងកំពង់ផែនេះ បានដេកនៅក្រោមដី ដើម្បីគេចចេញពីការផ្លោងជាប្រចាំរបស់កងទ័ពរុស្សីដែលបានឡោមព័ទ្ធទីក្រុងនេះ ហើយដែលបានកាត់ផ្តាច់នូវម្ហូបអាហារ ទឹក ភ្លើង និងការផ្គត់ផ្គង់កំដៅ បើយោលទៅតាម អាជ្ញាធរអ៊ុយក្រែន។

នៅក្នុងការសន្ទនាតាមទូរស័ព្ទជាមួយលោកប្រធានាធិបតី តួរគី Tayyip  Erdogan , Putin បានប្រាប់ Erdogan​​ ថា លោកបានប្រុងប្រៀបរួចជាស្រេចដើម្បីជជែកក្នុងការបញ្ចប់នូវការប្រយុទ្ធ ប៉ុន្តែការប៉ុនប៉ងណាមួយក្នុងការដកចេញនូវការសន្ទនាគ្នានឹងបរាជ័យ បើយោងទៅតាមវិមានក្រឹមឡាំង។ ការផ្អាកនូវអ្វីដែលទីក្រុងមូស្គូហៅថាជា “ប្រតិបត្តិការយោធាពិសេស” នឹងអាចធ្វើទៅបាន លុះត្រាណាតែទីក្រុង Kyiv បញ្ឈប់នូវប្រតិបត្តិការយោធានិងអនុវត្តិន៍ទៅតាមការទាមទាររបស់រុស្សី ​វិមានក្រឹមឡាំងបាននិយាយក្នុងការអាននូវការសន្ទនាគ្នាតាមទូរស័ព្ទ។