Reuters -

ប៉ូលីសអុីតាលីបានចាប់យកផ្ទះវិឡានិងនាវាកំសាន្តដែលមានតម្លៃ ១៤៣លានដុល្លារ ពីជនជាតិរុស្សី ៥នាក់ដែលមានឈ្មោះក្នុងបញ្ជីដាក់ទណ្ឌកម្មបន្ទាប់ពីរុស្សីបានវាយលុកចូលឈ្លានពានអ៊ុយក្រែន រដ្ឋាភិបាលបាននិយាយកាលពីថ្ងៃអាទិត្យ។ កម្មសិទ្ធដ៏ប្រណីតបានរិបអូសយកនៅក្នុងទីកន្លែងដែលលក់អចលនវត្ថុរាយនៅក្នុងកន្លែងដ៏ប្រណីតនៅអុីតាលី គីកោះ Sardinia នៅក្នុងបឹង Como និងTuscany ខណៈដែលនាវាកំសាន្តប្រណីត២គ្រឿងត្រូវបានរិបអូសយកនៅកំពង់ផែផ្នែកខាងជើង។

ប្រតិបត្តិការណ៍របស់ប៉ូលីសគឺជាផ្នែកនៃកិច្ចប្រតិបត្តិការណ៍ដែលដឹកនាំដោយរដ្ឋបស្ចឹមប្រទេសដើម្បីដាក់ពិន័យលើអ្នកមានរុស្សីនិងដើម្បីចាប់បង្ខំលោកប្រធានាធិបតី Putin ដើម្បីឲ្យដកកងទ័ពចេញពីអ៊ុយក្រែន។ បញ្ជីរឈ្មោះមួយដែលចេញដោយការិយាល័យលោកនាយករដ្ឋមន្ត្រី Mario Draghis បានបង្ហាញនូវកម្មសិទ្ធដ៏មានតម្លៃជាងគេឥឡូវនេះកំពុងតែស្ថិតនៅក្នុងដៃប៉ូលីស គឺនាវាកំសាន្តដែលមានប្រវែង៦៥ម៉ែត្រ The Lady M ដែលមានតម្លៃ៦៥លានដុល្លារនិងដែលជាកម្មសិទ្ធរបស់អ្នកមានរុស្សី Alex Mordashow ដែលកំពុងចតនៅកំពង់ផែ Imperial ។

នាវាកំសាន្តទី២ ដ៏ប្រណីត The Lena ត្រូវបានចាប់នៅជិតកំពង់ផែ Sanremo។ វាមានតម្លៃ៥០លាអឺរ៉ូហើយដែលជាកម្មសិទ្ធរបស់ Gennady Timchenko ដែល Putin បានអះអាងថាជាមនុស្សដ៏ជំនិត្យរបស់គាត់។ ពាណិជ្ជករដែលមានប្រាក់រាប់ពាន់លានដុល្លារ មានវិឡាមួយដែលមានតម្លៃ១៧លានអឺរ៉ូត្រូវបានចាប់យកនៅលើកោះមួយនៅក្នុងសមុទ្រម៉េឌីទែរ៉ាន់ណេនៃ Sardinia  ខណៈដែល Oleg Savchenko ដែលជាសមាជិកសភារុស្សីម្នាក់ មានផ្ទះបុរាណតាំងពីសតវត្យរ៍ទី១៧នៅជិតក្រុង Tuscan នៃ Luca  ដែលមានតម្លៃ៣លានអឺរ៉ូ ត្រូវបានរិបអូស។

ចំនួននៃទ្រព្យសម្បត្តិដែលមិនបានបញ្ចេញឲ្យដឹងពីអត្តសញ្ញាណ ហើយមានតម្លៃ៨លានអឺរ៉ូ ត្រូវបានដកហូតនៅក្នុងComo ពីម្ចាស់ស្ថានីយ៍ទូរទស្សន៍ Vladimir Soloviev  ដែលបានត្រូវគេរាយការណ៍មកថាបានត្អូញត្អែរតាមទូរទស្សន៍រុស្សីនៅពេលដែលគាត់បានដឹងកាលពីខែមុនថា លោកនឹងបាត់បង់ផ្ទះវិឡាមួយនៅអុីតាលី។ “ប៉ុន្តែ អ្នកបានប្រាប់យើងថានៅអឺរ៉ុបមានសិទ្ធកម្មសិទ្ធដ៏ពិសិដ្ឋ” លោកត្រូវបានគេដកស្រង់សម្តីដោយនិយាយតាម Daily Beast៕