ឆ្នាំជូត (រាសីខ្ពស់ត្រដែត)

លោកអ្នកនឹងទទួលបានប្រាក់កាក់នៅថ្ងៃនេះ។ ចូរចំណាយវាសម្រាប់គ្រួសារ និងមិត្តភក្តិ។ ព្រោះពួកគេប្រហែលជាអាចចាប់អារម្មណ៍ និងយកចិត្តទុកដល់លោកអ្នកនៅពេលនេះ។ ជ្រើសរើសអំណោយ​ដ៏​ល្អ​សម្រាប់​មិត្ត​សម្លាញ់​របស់លោក​អ្នក​ហើយលោកអ្នកនឹងទទួលបានការតបស្នងដ៏ពេញចិត្តធំមួយត្រលប់មកលោកអ្នកវិញ។

ឆ្នាំឆ្លូវ (រាសីល្អមធ្យម)

តើអ្វីជាវិធីល្អបំផុតដើម្បីរៀនអភ័យទោស? តើលោកអ្នកធ្លាប់បានធ្វើរឿងដែលលោកអ្នកកំពុងរិះគន់អ្នកផ្សេងឬអត់?ប្រសិនបើធ្លាប់នោះ លោកអ្នកអាចយល់ថា លោកអ្នកគួររៀនអភ័យទោសដល់អ្នកដទៃផងដែរ។

ឆ្នាំខាល (រាសីល្អមធ្យម)

ចូរប្រយ័ត្ន​! លោក​អ្នកប្រហែល​មិន​មានមនោសញ្ចេតនា​ដូចដែលគេយល់ឃើញទេ។ នរណាម្នាក់ដែលលោកអ្នកស្និទ្ធស្នាលជាមួយអាចយល់ខុសពីអារម្មណ៍របស់លោកអ្នកនៅថ្ងៃនេះ។ លោកអ្នក​ប្រហែល​ជា​គិត​ថា​វា​ជា​ការ​ឈ្លើយក្នុង​ការ​បង្ហាញអារម្មណ៍ត្រង់ៗទៅកាន់គេ ប៉ុន្តែ​ក្នុង​ស្ថានភាព​នេះ លោកអ្នកគប្បីបញ្ចប់ការយល់ច្រលំ​។

ឆ្នាំថោះ (រាសីស្រុតចុះ)

តើលោកអ្នកបញ្ហាលុយកាក់មែនទេ? លោកអ្នកប្រហែលជាកំពុងរវល់ទូទាត់វិក្កយបត្រចំណូលចំណាយ។ ចូរ​រៀបចំ​ការចាយវាយរបស់លោកអ្នក​ប្រសើរ​ជាងការចាយ​សប្បាយទាំង​ការ​តានតឹង​ក្នុងពេលក្រោយ។

ឆ្នាំរោង (រាសីល្អមធ្យម)

លោកអ្នក​ប្រហែល​ជាមាន​មិត្តភ័ក្តិឬ​មិត្ត​រួម​ការងារ​ដែលលោក​អ្នកខាន​​និយាយ​ជាមួយ​គ្នាយូរហើយ មករកលោកអ្នកក្នុងថ្ងៃនេះ។ កុំរវល់តែជាមួយអ្នកដែលមករកលោកអ្នកអី។ ព្រោះនរណាម្នាក់ដែលតែងនៅក្បែរលោកអ្នកប្រហែលជាចង់បានការកំដរ និងកម្លាំងចិត្តពីលោកអ្នកដូចគ្នា។

ឆ្នាំម្សាញ់ (រាសីល្អមធ្យម)

វាអាចជាថ្ងៃដ៏រំភើបសម្រាប់លោកអ្នក ប្រសិនបើលោកអ្នកចេញក្រៅក្នុងថ្ងៃនេះ! លោក​អ្នក​ប្រហែល​ជាចង់សំងំក្នុងផ្ទះ ប៉ុន្តែសូម​ព្យាយាមចូលប្រឡូកក្នុងសង្គម។ បើលោកអ្នកបង្កើតការសន្ទនាជាមួយមនុស្សប្លែកមុខ វាប្រែទៅជាទំនាក់ទំនងស្នេហាឬអាជីវកម្ម។

ឆ្នាំមមី (រាសីស្រុតចុះ)

លោកអ្នកកំពុងស្ថិតនៅលើផ្លូវឆ្ពោះទៅរកគោលដៅរបស់លោកអ្នកហើយ ប៉ុន្តែត្រូវប្រយ័ត្នកុំទាន់ត្រេកអរពេក។ ប្រហែលជាមានរឿងផ្សេងទៀត ដែលត្រូវយកចិត្តទុកដាក់ និងពិនិត្យកិច្ចការទាំងអស់ដែលលោកអ្នកបានធ្វើឡើងវិញ។

ឆ្នាំ​មមែ (រាសីស្រុតចុះ)

តើ​លោកអ្នកកំពុងប្រឈមមុខនឹងការខ្វែង​មតិ​ច្រើន​នៅ​ថ្ងៃ​នេះមែនទេ? ពាក្យពេចន៍មួយចំនួន​អាច​ចាប់​អារម្មណ៍​លោកអ្នក​ ប៉ុន្តែ​យក​ល្អ​លោកអ្នក​ត្រូវ​ស្តាប់​ដោយបើក​ចិត្ត​ទូលាយ។ កុំប្រញាប់ឆ្លើយតបប្រឆាំងនឹងគេ! លោកអ្នក​អាច​នឹង​យល់ស្របនឹងមតិទាំងនោះ បើលោកអ្នកយកវាមកគិតល្អិតល្អន់។

ឆ្នាំវក (រាសីល្អមធ្យម)

តើលោក​អ្នក​មាន​អារម្មណ៍​ធុញ​ទ្រាន់មែនទេ? លោកអ្នកអាចមានអារម្មណ៍ថាគ្រប់យ៉ាងទាំងអស់ ដែលលោកអ្នកចាប់ផ្តើមកំពុងតែកប់នៅក្នុងបាតសមុទ្រ។ មកដល់ចំណុចេលោកអ្នកអាចចង់បោះបង់។ ប៉ុន្តែកុំទាន់សម្រេចចិត្តលឿនពេក។ ព្រោះការខិតខំប្រឹងប្រែងរបស់លោកអ្នក នឹងផ្តល់ផលជាទីគាប់ចិត្តនាពេលខាងមុខ។

ឆ្នាំរកា (រាសីល្អមធ្យម)

សូមស្តាប់បេះដូងរបស់លោកអ្នកប្រសិនបើលោកអ្នកត្រូវការសន្តិភាពជាមួយមនុស្សជាទីស្រឡាញ់។ លោកអ្នក​មាន​ចម្លើយ​ទាំងអស់​ហើយ​ ដែល​លោកអ្នក​ត្រូវ​ការ​ដើម្បី​កែ​កំហុស​នៅ​ក្នុង​ដៃ។ កុំស្តាប់ដំបូន្មានរបស់មិត្តភ័ក្តិព្រោះគ្មាននរណាម្នាក់យល់ពីស្ថានភាពលោកអ្នកជាងលោកអ្នកទេ។

ឆ្នាំច (រាសីល្អមធ្យម)

ថ្ងៃនេះលោកអ្នកប្រហែលជាមានសកម្មភាពជាច្រើនជាមួយមិត្តភក្តិ ហើយលោកអ្នកនឹងពិបាកក្នុងការជ្រើសរើសផ្លូវសម្រាប់ដើរ។ ចូរនៅក្បែរមិត្តជិតស្និទ្ធបំផុតរបស់លោកអ្នក។ មិត្តដទៃអាចនឹងចង់បានពេលវេលាខ្លះរបស់លោកអ្នក ប៉ុន្តែលោកអ្នកនឹងរីករាយជាមួយក្រុមចាស់របស់លោកអ្នកជាង។

ឆ្នាំកុរ (រាសីខ្ពស់ត្រដែត)

នៅពេលលោកអ្នកគិតឱ្យបានច្បាស់លាស់ និងប្រើការវិនិច្ឆ័យល្អ លោកអ្នកអាចសម្រេចចិត្តបានត្រឹមត្រូវច្រើន។ វាហាក់បីដូចជាកំប្លែងបន្តិច ប៉ុន្តែលោកអ្នកប្រហែលជាមិនបានធ្វើការសម្រេចចិត្តដ៏ល្អបំផុតប៉ុន្មានទេនាពេលថ្មីៗនេះ។ ចូរពិចារណាលើរឿងនេះ ហើយត្រូវតែសម្រេចអ្វីមួយដោយភាពឈ្លាសវៃ។