United Nations-

មហាសន្និបាតអ.ស.ប.កាលពីថ្ងៃពុធ បានបោះឆ្នោតសម្រេចដ៏ច្រើនលើសលុបទៅលើសេចក្តីសម្រេចមួយ ដោយទាមទារឲ្យរុស្សីដកកងទ័ពជាបន្ទាន់ចេញពីអ៊ុយក្រែន នៅក្នុងកាេស្តីបន្ទោសមួយដ៏ខ្លាំងក្លានៃការឈ្លានពានរបស់រុស្សី ដោយសំឡេងភាគច្រើនដ៏លើសលុបនៃប្រជាជាតិក្នុងពិភពលោក។ បន្ទាប់ពីមានការពិភាក្សារដេញដោលអស់រយៈពេល២ថ្ងៃនៃការពិភាក្សារវិសាមញ្ញ ដែលគេបានឃើញលោកឯកអគ្គរដ្ឋទូត អ៊ុយក្រែន បានចោទប្រកាន់រុស្សីនៃការប្រល័យពូជសាសន៍ សំឡេងគាំទ្រ ១៤១សម្លេងលើ១៩៣នៃរដ្ឋជាសមាជិកអ.ស.ប.បានបោះឆ្នោតទៅលើសេចក្តីសម្រេចនោះ។

ចិនបានស្ថិតនៅក្នុងចំណោមប្រទេសចំនួន៣៥ដែលបោះឆ្នោតអនុប្បវាទ ដែលមានតែ៥ប្រទេសទេដែលគាំទ្រនៃការឈ្លានពានរបស់រុស្សី គឺ Eritrea ,កូរ៉េខាងជើង,ស៊ីរី,បែលឡារុស និងរុស្សីខ្លួនឯងដែលបានបោះឆ្នោតប្រឆាំង។ សេចក្តីសម្រេចបានប្រឆាំងជំទាស់ទៅនឹងការឈ្លានពានទៅលើអ៊ុយក្រែន នៅក្នុងពាក្យសំដីដ៏ខ្លាំងៗ និងបានថ្កោលទោសសេចក្តីសម្រេចរបស់លោកប្រធានាធិបតី Vladimir Putin ក្នុងការដាក់ កងកម្លាំងនុយគ្លេអ៊ែររបស់លោកក្នុងភាពប្រកាសអាសន្ន។ លទ្ធផលឆ្នោតនេះត្រូវបានប្រកូកប្រកាសដោយអ្នការទូតជាច្រើនថាជា ក្បាលម៉ាស៊ីននៃប្រជាធិបតេយ្យនៅក្នុងពិភពលោកដែលលទ្ធិអត្តាធិបតេយ្យកំពុងតែរះឡើង ហើយវាបានចេញមកចំពេលដែលកងកម្លាំងរបស់ Putin បានហ៊ំព័ទ្ធទីក្រុង Kyiv និងប្រជាពលរដ្ឋកំពុងភៀសខ្លួន។

“ពូកគេបានចូលមកដកហូត សិទ្ធិគ្រប់យ៉ាងរបស់អ៊ុយក្រែនដែលមាន” ឯកអគ្គរដ្ឋទូតអ៊ុយក្រែន Sergio Kyslytsya បានប្រាប់មហាសន្និបាតមុនពេលបោះឆ្នោត។ “វាប្រាកដណាស់ថា គោលបំណងរបស់រុស្សីគឺមិនមែនដើម្បីកាន់កាប់តែប៉ុណ្ណោះទេ គឺប្រល័យពូជសាសន៍” ។ Putin បានរៀបចំការវាយប្រហារនិងឈ្លានពានជាទ្រង់ទ្រាយធំមកលើអ៊ុយក្រែនកាលពីថ្ងៃទី២៤ខែកុម្ភះ ដោយក្រុងមូស្គូបានបញ្ជាក់ថា “វាជាការការពារខ្លួន” នៅក្រោមធម្មនុញ្ញនៃអ.ស.ប.មាត្រាទី៥។

ប៉ុន្តែត្រូវបានច្រានចោលទាំងស្រុងដោយប្រទេសលោកខាងលិច ដែលបានចោទប្រកាន់ទីក្រុងមូស្គូថាបានរំលោភទៅលើមាត្រា២នៃធម្មនុញ្ញអ.ស.ប. ដែលតម្រុូវឲ្យសមាជិកអ.ស.ប.ត្រូវមានការអត់ធ្មត់ក្នុងការគំរាមកំហែងឬក៏ប្រើកម្លាំងដើម្បីដោះស្រាយបញ្ហា។ លោកអគ្គរដ្ឋទូត អឺរ៉ុបប្រចាំអ.ស.ប. Olof Skoog  បាននិយាយថា "ការបោះឆ្នោតនេះមិនមែនសំរាប់តែអ៊ុយក្រែនទេ គឺដើម្បីការពារនូវរបៀបរៀបរយនៃអន្តរជាតិដែលឈរនៅលើច្បាប់ដែលយើងទាំងអស់គ្នាជាហត្ថលេខី" លោកបានថ្លែងនៅក្នុងសេចក្តីថ្លែងការណ៍។