ឆ្នាំជូត (រាសីស្រុតចុះ)

ប្រយ័ត្នពេលដែលលោកអ្នកចំនាយលុយកាក់នៅថ្ងៃនេះ។ លោកអ្នក​គួរពិនិត្យ​មើល​ម្ដង​ទៀត​ថា​លុយ​មិន​មាន​បញ្ហា ឬ​រហែក​ក្នុង​វិធី​ណា​មួយ​ទេ។ ចំនាយប្រាក់របស់លោកអ្នកទៅលើរបស់ដែលមានគុណភាពល្អជាជាងចំណាយលើការចាយវាយលើរបស់ជាច្រើនដែលងាយខូចខាត ឬបែកបាក់។

ឆ្នាំឆ្លូវ (រាសីខ្ពស់ត្រដែត)

ថ្ងៃនេះជាពេលវេលាដ៏ស័ក្តិសមក្នុងការជួបជុំគ្រួសាររបស់លោកអ្នក ដើម្បីទទួលលាភសំណាង និងរីករាយអាហារពេលល្ងាច។ ចែករំលែកជីវិតរបស់លោកអ្នកនឹងនរណាម្នាក់ ហើយនៅចាំផ្តល់កម្លាំងចិត្តដល់គេផងដែរ។ លោកអ្នកមានជំនាញផ្តល់ការកម្សាន្តដល់មនុស្សជំុវិញខ្លួននៅថ្ងៃនេះ។ ហេតុអ្វីមិនពាក់អាវផាយរបស់លោកអ្នក ហើយធ្វើជាចុងភៅនៅយប់នេះ?

ឆ្នាំខាល (រាសីល្អមធ្យម)

ថ្ងៃនេះលោកអ្នកដល់ពេលដែលត្រូវកម្ចាត់ការងារតូចៗ ដែលដក់ជាប់ក្នុងចិត្តលោកអ្នក។ លោកអ្នកប្រហែលជាត្រូវចង្អុលបង្ហាញពីអំពីអាកប្បកិរិយាមិនល្អ និងចំណុចមិនល្អមួយចំនួនរបស់មិត្តរួមការងាររបស់លោកអ្នក។ ទោះយ៉ាងណាក៏ដោយ ត្រូវឧស្សាហ៍ព្យាយាមជាមួយដំណើរការនេះ។ លោកអ្នក​នឹង​ទទួល​បាន​ចម្លើយ​របស់លោក​អ្នក​ប្រសិន​បើលោក​អ្នក​នៅ​តែ​បន្តមិនបោះបង់។

ឆ្នាំថោះ (រាសីស្រុតចុះ)

ប្រសិនបើគ្រប់គ្នាមានមតិខុសគ្នា កិច្ចការប្រជុំជាក្រុមអាចមានភាពលំបាក។ ព្យាយាម​កុំ​​ចូល​រួម​ខ្លាំង​ពេក​ក្នុង​ការ​ពិភាក្សា​ទាំង​នេះ ទោះ​បី​ជាលោក​អ្នក​មាន​អារម្មណ៍ចង់បញ្ចេញមតិ​ខ្លាំង​ប៉ុណ្ណា​ក៏​ដោយ។ លោកអ្នក​នឹង​មិន​អាច​បង្ហាញពី​ចំណុចដែលលោក​​អ្នកចង់ចែករំលែក ​ក្នុងកំឡុង​ពេល​ដែល​ក្រុម​ការងារកំពុង​ក្តៅ​ក្រហាយបានទេ។

ឆ្នាំរោង (រាសីស្រុតចុះ)

សូមប្រើប្រាស់ពេលវេលាក្នុងថ្ងៃនេះ ដើម្បីលើកទឹកចិត្តខ្លួនលោកអ្នកសម្រាប់ប្រកបកិច្ចការផ្សេងៗក្នុងថ្ងៃនេះ។ តើលោកអ្នកកំពុងតែបាត់បង់កម្លាំងចិត្ត និងអត្ថន័យក្នុងអាជីពរបស់លោកអ្នកមែនឬទេ? បើដូច្នេះមែន ហេតុអ្វីបានជាលោកអ្នកនៅបន្តធ្វើការងារ ដែលលោកអ្នកមិនពេញចិត្តដល់ពេលណា? ចូរលោកអ្នកគិតអំពីអ្វីដែលធ្វើឱ្យលោកអ្នកក្រោកពីគេងនៅពេលព្រឹក និងចាប់ផ្តើមធ្វើអ្វីដែលលោកអ្នកពេញចិត្ត។

ឆ្នាំម្សាញ់ (រាសីល្អមធ្យម)

ត្រៀមខ្លួន! លោកអ្នក​អាច​នឹង​ក្លាយជាទីចាប់អារម្មណ៍នៅ​ក្នុង​ភ្នែក​សាធារណៈ​ជននៅ​ថ្ងៃ​នេះ​។ ដោយសារលោកអ្នកអាចនឹងមិនទម្លាប់នឹងបទពិសោធន៍នេះ ដូចនេះសូមរកនរណាម្នាក់ដែលលោកអ្នកអាចទទួលកម្លាំងចិត្តពីគេបាន។ លោកអ្នកនឹងធ្វើការបានល្អ​ បើមានអ្នកជំនាញនៅក្បែរលោកអ្នក។

ឆ្នាំមមី (រាសីស្រុតចុះ)

សូមកុំបង្ហាញអាក្បកិរិយាដែលអាចធ្វើឲ្យអ្នកដទៃយល់ច្រលំ។ នៅកន្លែងធ្វើការ លោកអ្នកត្រូវមានភាពច្បាស់លាស់ជាមួយនឹងការប្រាស្រ័យទាក់ទងគ្នា និងជៀសវាងការគេចវេសជាមួយអតិថិជន។ រីឯជីវិតស្នេហាក៏ដូចគ្នាដែរ។ ប្រសិនបើលោកអ្នកនៅតែព្យាយាមគេចវេសបញ្ហា នោះលោកអ្នកនឹងមិនអាចដោះស្រាយវាបានទេ។

ឆ្នាំ​មមែ (រាសីស្រុតចុះ)

ថ្ងៃនេះ គ្រប់យ៉ាងហាក់បីដូចជាតានតឹងបន្តិចហើយ។ តើ​លោកអ្នកកំពុងតែ​មិន​ស្ងប់​ចិត្ត​និង​ចង់​បាន​ការ​ផ្លាស់​ប្តូ​រមែនឬទេ​? ទោះបីជាលោកអ្នកចង់ចាប់ផ្តើមអ្វីថ្មីក៏ដោយ ក៏លោកអ្នកមិនទាន់ត្រៀមខ្លួនទាំងស្រុង ដើម្បីធ្វើការផ្លាស់ប្តូរនោះទេ។ សូមរក្សាគោលជំហរនឹងនរមុននឹងសម្រេចធ្វើអ្វីមួយ។

ឆ្នាំវក (រាសីល្អមធ្យម)

មិត្តភ័ក្តិដែលរស់នៅឆ្ងាយប្រហែលជាកំពុងត្រូវការជំនួយខ្លះនៅពេលនេះ។ កុំរង់ចាំដល់ពេលគេមកទាក់ទងសុំជំនួយពីលោកអ្នក។ លើកទូរស័ព្ទ ឬផ្ញើសារទៅគេឥឡូវនេះ។ ពាក្យលើកទឹកចិត្តរបស់លោកអ្នកពិតជាសំខាន់ណាស់ សម្រាប់មនុស្សម្នាក់នេះ នៅពេលដែលគេកំពុងតែគ្មានអ្នកនៅក្បែរ។

ឆ្នាំរកា (រាសីល្អមធ្យម)

លោកអ្នកអាចមានកាលវិភាគទំនេរច្រើនថ្ងៃនេះ  ព្រោះលោកអ្នកបានរវល់ប៉ុន្មានសប្តាហ៍កន្លងមកហើយ។ លោកអ្នកអាចបិទ​កុំព្យូទ័រ​របស់​លោកអ្នក ឬ​ចេញ​ពី​ការិយាល័យ​មុនម៉ោងដើម្បីសម្រាក។ ការឈប់សម្រាកបន្ថែមពិតជាមានតម្លៃណាស់សម្រាប់លោកអ្នកឥឡូវនេះ។

ឆ្នាំច (រាសីល្អមធ្យម)

នៅថ្ងៃនេះ នរណាម្នាក់ដែលលេចធ្លោនៅក្នុងសហគមន៍ប្រហែលជាចង់នៅក្បែរលោកអ្នក។ ខណៈពេលដែលលោកអ្នកពេញចិត្តនឹងចំនាប់អារម្មណ៍ដែលលោកអ្នកកំពុងទទួលបាននេះ លោកអ្នកប្រហែលជាមិនដឹងថាហេតុអ្វីបានជាលោកអ្នកទទួលបានចំនាប់អារម្មណ៍នេះទេ។ តើ​វា​អាច​ទៅ​រួច​ទេ ដែល​បុគ្គល​នេះ​មាន​គំនិតមិនល្អលើលោកអ្នក? សូមគិតគូរវែងឆ្ងាយមុន​នឹង​សម្រេចចិត្តលើអ្វីមួយ។

ឆ្នាំកុរ (រាសីខ្ពស់ត្រដែត)

ថ្ងៃ​នេះ​ពិតជា​ពិសេសសម្រាប់លោកអ្នក ​ប្រសិន​បើលោក​អ្នក​បាន​ធ្វើ​អ្វី​ដ៏​ធំ​មួយ​ក្នុង​រយៈ​ពេល​ប៉ុន្មាន​សប្តាហ៍​ចុង​ក្រោយ​នេះ។ ថាមពលនៃថ្ងៃនេះនឹងគាំទ្រការបោះជំហានដ៏ធំ និងសំណាងល្អដល់លោកអ្នក។ ទោះជាយ៉ាងណាក៏ដោយ លោកអ្នកប្រហែលជាត្រូវបើកចិត្តទូលាយ និងគិតគូរលំអិតអំពីបញ្ហាហិរញ្ញវត្ថុ ដើម្បីទទួលបានជោគជ័យ។