Washington-

រដ្ឋមន្ត្រីក្រសួងការបរទេស Wang Yi បានប្រាប់មន្ត្រីជាន់ខ្ពស់អឺរ៉ុបកាលពីថ្ងៃសុក្រថា ចិនគោរពអធិបតេយ្យភាពរបស់ប្រទេសនានារួមទាំងអ៊ុយក្រែន ប៉ុន្តែការខ្វាយខ្វល់របស់រុស្សីអំពីការពង្រីករបស់ NATO ឆ្ពោះទៅកាន់ភាគខាងកើតក៏គួរតែលើឡើងឲ្យបានត្រឹមត្រូវដែរ។បន្ទាប់ពីមានការព្រមានជាច្រើនសប្តាហ៍ពីមេដឹកនាំលោកខាងលិច លោកប្រធានាធិបតីរុស្សី Vladimir Putin បានបញ្ជាឲ្យមានការឈ្លានពានមួយទៅលើអ៊ុយក្រែន ពីខាងជើង ខាងកើតនិងខាងត្បូងកាលពីថ្ងៃព្រហស្បត៍ ដែលជាការវាយប្រហារដ៏ធំមួយទៅលើរដ្ឋអឺរ៉ុបចាប់តាំងពីសង្រ្គាមលោកលើកទី២។

ជាច្រើនសប្តាហ៍មុនការឈ្លានពាន ចិននិងរុស្សីបានប្រកាសជាដៃគូរយុទ្ធសាស្ត្រ ហើយរហូតមកដល់ពេលនេះចិនបានស្ថិតនៅក្នុងកន្លែងមួយយ៉ាងច្បាស់ដោយមិនថ្កោលទោសរុស្សីនូវទង្វើរបស់រុស្សីទេ។ Wang បាននិយាយថាស្ថានភាពបច្ចុប្បន្ននៅក្នុងអ៊ុយក្រែនគឺមិនមែនជារឿងដែលប៉េកាំងចង់ឃើញនោះទេ ហើយនិយាយថាលោកចង់ឃើញនិងស្វាគមន៍នូវការជជែកគ្នាដោយចំពោះរវាងរុស្សីនិងអ៊ុយក្រែនយ៉ាងឆាប់បំផុតដែលអាចធ្វើទៅបាន។

“ចិនសូមប្រកាសយ៉ាងម៉ឺងម៉ាត់ថាគោរពនិងការពារនូវអធិបតេយ្យភាព និងបូរណភាពដែនដីនៃប្រទេសទាំងឡាយ“ Wang បាននិយាយ ដោយយោលទៅតាម សេចក្តីថ្លែងការណ៍មួយពីក្រសួងការបរទេសចិន “នេះក៏ចង់បញ្ជាក់ដូចគ្នាទៅកាន់អ៊ុយក្រែនដែរ” Wang បានសន្ទនាតាមទូរស័ព្ទជាមួយរដ្ឋមន្ត្រីក្រសួងការបរទេសអង់គ្លេស Liz Truss ,ប្រធានកិច្ចការបរទេសសហគមន៍អឺរ៉ុប Josep Borrel និងទីប្រឹក្សាប្រធានាធិបតីបារាំង។ "ក្នុងការផ្តល់នូវការជួបជជែកជាបន្តបន្ទាប់ចំនួន៥ដងនៃការពង្រីករបស់ NATO ឆ្ពោះទៅកាន់ភាគខាងកើត  ការទាមទាររបស់រុស្សីពីបញ្ហាសន្តិសុខស្របច្បាប់របស់រុស្សីគួរតែយកទៅពិចារណាអោយបានត្រឹមត្រូវនិងជាក់លាក់” Wang និយាយក្នុងសេចក្តីថ្លែងការណ៍។

ក្រុមប្រឹក្សាសន្តិសុខ អ.ស.ប. ត្រូវគេរំពឹងថានឹងបោះឆ្នោតនៅថ្ងៃសុក្រលើសេចក្តីសម្រេចថ្កោលទោសការឈ្លានពានរបស់រុស្សី។ រុស្សីត្រូវគេរំពឹងថានឹងវេតូលើវិធានការនេះ ហើយ Wang បាននិយាយថាជាប្រវត្តិសាស្ត្រចិនបានប្រឆាំងទៅនឹងសេចក្តីសំរេចរបស់ក្រុមប្រឹក្សាក្នុងការដាក់ទណ្ឌកម្ម ឬការប្រើកំលាំង លោកបាននិយាយទៀតថា ក្រុមប្រឹក្សារគួរតែស្វែងរកនូវការសម្រួលភាពតានតឹង "មិនត្រូវចាក់សាំងបន្ថែមទេ”។ លោកប្រធានាធិបតី Joe-Biden កាលពីថ្ងៃព្រហស្បតិ៍បាននិយាយថា ប្រទេសណាដែលគាំទ្រការឈ្លានពានរបស់រុស្សីលើអ៊ុយក្រែននឺងត្រូវចាត់ទុកថាជាការចូលដៃចូលជើង។