ប៉ុន្មានថ្ងៃចុងក្រោយនេះ​ លោក ម៉ម ពេជ្ជរិទ្ធដែលជាអ្នកចម្រៀង និងអ្នកនិពន្ធដ៏ឆ្លាតវៃម្នាក់ បានធ្វើការផុសនូវ Teaser អមជាមួយ Poster ដែលបង្ហាញអំពីបទចម្រៀងថ្មីរបស់ខ្លួនបន្ទាប់ពីការបំបែកក្រុមរួចជាលើកដំបូង។ម្ចាស់បទ ស្នាមថើបដំបូង និងចង់ក្បែរ បានធ្វើអោយមានការងើយឆ្ងល់ដោយសារតែលោក បានសរសេរចំណងជើងថា ចួប ដោយប្រើប្រាស់អក្សរ ច ជំនួសដោយអក្សរ ជ។ បើសិនជាអេតមីន​ ពិនិត្យពាក្យនេះនៅលើវចនានុក្រមសម្តេចព្រះសង្ឃរាជជួនណាត បានបង្ហាញថា ពាក្យទាំងពីរសុទ្ធសឹងតែអាចប្រើប្រាស់បានដូចគ្នា ទាស់ត្រង់ថាគ្រាន់២០ទៅ៣០ឆ្នាំមុន គេនិយមប្រើប្រាស់អក្សរ ច​ ជាជាងអក្សរ ជ។យ៉ាងណាមិញនេះក៏អាចមូលហេតុមួយ ដែលលោកសម្រេចចិត្តយកពាក្យនេះ ដើម្បីបន្ថែមរសជាតិនៃបទចម្រៀងរបស់លោកអោយកាន់ប្លែកពីបទមុនៗ និងអាចទាញយកអារម្មណ៏របស់មហាជនអោយវិលទៅរកសម័យទស្សវត្សទី៨០ និងបែបបទទេសភាពស្រុកស្រែ។

ចង់ដឹងថាបទចម្រៀងនេះ នឹងមានអន្ថន័យនិងបទភ្លេងពិរោះដូចជាបទមុនៗរបស់លោកឬអត់? កុំភ្លេចតាមដានទស្សនាទាំងអស់គ្នានៅ ថ្ងៃទី២២ ស្អែកនេះ នៅលើ Channel YouTube ផ្លូវការរបស់លោក៕

អត្ថបទដោយ ណាន់សំណាង