CNA-

រដ្ឋាភិបាលយោធាមីយ៉ាន់ម៉ាបានរិះគន់ និងអំពាវនាវចំពោះបេសកជនពិសេសអាស៊ានសំរាប់ប្រទេស ដែលខ្ទេចខ្ទាំដោយសារទំនាស់ ក្នុងការដែលជួបជាមួយអង្គការ ដែលប្រឆាំងជំទាស់ទៅនឹងរដ្ឋប្រហារឆ្នាំមុន ដែលពួកយោធាបានប្រកាសថាជាក្រុមភេវរករ។ ជាមួយនឹងសញ្ញាដ៏តិចតួចដែលពួកយោធាបានអនុវត្តន៍នូវផែនការសន្តិភាពប្រាំចំណុច ដែលបានព្រមព្រៀងជាមួយនឹងអាស៊ានកាលពីឆ្នាំមុន ដែលរួមបញ្ចូលទាំងការបញ្ចប់ជាបន្ទាន់នូវអរិភាព និងអនុញ្ញាតឲ្យបេសកជនពិសេសរៀបចំសម្រួលឲ្យមានការសន្ទនាគ្នា បានធ្វើឲ្យមានការបែងចែកដែលលេចចេញមកពីប្រទេសទាំង១០ក្នុងប្លុក អំពីរបៀបធ្វើឲ្យមានស្ថិរភាពឡើងវិញ។

បន្ទាប់ពីការប្រជុំរដ្ឋមន្ត្រីក្រសួងការបរទេសអាស៊ាននៅថ្ងៃទី១៧ ខែកុម្ភៈ, ឥណ្ឌូណេស៊ីបាននិយាយថា វាជារឿងសំខាន់ណាស់សំរាប់បេសកជនពិសេស ដើម្បីជួបជាមួយគ្រប់ភាគីទាំងអស់ដែលនៅក្នុងទំនាស់ ជាមួយនឹងម៉ាលេស៊ីដែលបានអំពាវនាវឲ្យមានការជជែកជាមួយនឹងរដ្ឋាភិបាលឯកភាពជាតិ NUG, ដែលជាក្រុមបង្កើតឡើងដោយសមាជិករដ្ឋការ ដែលបណ្តេញចេញពីអំណាច និងក្រុមអ្នកប្រឆាំងផ្សេងទៀតនឹងពួកយោធា។

"ខណៈដែលការគិតទុកជាមុនខ្លះ វាមានលក្ខណៈស្ថាបនាក្នុងការអនុវត្តន៍នូវផែនការ៥ចំណុចកុងសង់ស៊ីស សមាជិកមកពី២ប្រទេសបានផ្តល់យោបល់ឲ្យបេសកជនពិសេស ឲ្យពាក់ព័ន្ធជាមួយនឹងសមាគមមិនស្របច្បាប់និងក្រុមភេវរករ" ក្រសួងការបរទេសយោធាមីយ៉ាន់ម៉ាបាននិយាយនៅក្នុងសេចក្តីថ្លែងការណ៍។ នៅក្នុងការឆ្លើយតបជាលើកដំបូង និងជាសាធារណៈទៅកាន់ការប្រជុំអាស៊ានលើកទី១ កាលពីអាទិត្យមុន ក្រសួងការបរទេសយោធាបាននិយាយថា ការពាក់ព័ន្ធរបស់បេសកជនទៅនឹងក្រុមដូចនោះ មិនត្រឹមតែផ្ទុយនឹងគោលការណ៍អាស៊ានទេ ប៉ុន្តែវាគាស់រំលើងនូវការប្រឹងប្រែងប្រឆាំងទៅនឹងភេវរកម្មរបស់អាស៊ានផងដែរ។

តំណាងពីរដ្ឋាភិបាលយោធាមិនត្រូវបានអញ្ជើញឲ្យចូលរួមក្នុងកិច្ចប្រជុំអាស៊ានទេតាំងតែពីឆ្នាំមុន។ មីយ៉ាន់ម៉ាបានធ្លាក់ចូលទៅក្នុងវិបត្តិចាប់តាំងពីពួកយោធាបានផ្តួលរំលំរដ្ឋាភិបាល ដែលកើតចេញពីការបោះឆ្នោតកាលពីឆ្នាំមុន។ ដែលជនស៊ីវិលចំនួន១,៥០០នាក់ ត្រូវបានសម្លាប់នៅក្នុងការរបង្រ្កាបចំពោះក្រុមដែលប្រឆាំងទៅនឹងរដ្ឋប្រហារ បើយោលទៅតាមតួរលេខដែលបញ្ចេញដោយក្រុមសកម្មជនដែលមានមូលដ្ឋាននៅក្នុងប្រទេសថៃ៕