The straits times-Singapore

ការឆ្លើយតបរបស់អាស៊ានចំពោះវិបត្តិមីយ៉ាន់ម៉ាបានបែងចែកមតិសាធារណៈនៅក្នុងប្រជាជាតិអាស៊ីប៉ែកអាគ្នេយ៍ ដែលអ្នកទាំងឡាយបានអនុមតិនូវវិធីសាស្ត្ររបស់ខ្លួនមានចំនួនលើសតែបន្តិចបន្តួច ចំពោះអ្នកទាំងឡាយដែលប្រឆាំង ដែលបាននិយាយថា វាហាក់ដូចជាមិនបានចាត់ចែងដោះស្រាយនូវការប្រឈមដ៏ធ្ងន់ធ្ងរជាងគេនៅក្នុងតំបន់។ អាស៊ានក៏បានបង្ហាញនូវការអនុមត្តិផងដែរ ចំពោះការកើនឡើងនៃកេរ្តិ៍ឈ្មោះនៃអង្គការកិច្ចសន្ទនាសន្តិសុខចតុភាគី (Quad) និងអង្គការសន្តិសុខថ្មី ត្រីភាគីដែលមានឈ្មោះថា AUKUS ដែលអនុញ្ញាតឲ្យអូស្ត្រាលីធ្វើប្រតិបត្តិការណ៍ និងស្ថាបនានាវាមុជទឹក ដែលដើរឋាមពលនុយគ្លេអ៊ែរ ដើម្បីឲ្យមានតុល្យភាពជាមួយវត្តមានរបស់ចិននៅក្នុងតំបន់។

ការកឃើញនេះចេញមកពីការស្ទាបស្ទង់មតិដែលបញ្ចេញដោយរដ្ឋអាស៊ានប្រចាំឆ្នាំនៃវិទ្យាស្ថាន ISEAS Yusuf Ishak កាលពីថ្ងៃពុធ។ ការស្ទាបស្ទង់មតិនេះបានធ្វើឡើងកាលពី២ខែមុន ក្នុងឆ្នាំ២០២១ ដែលស្រង់មតិពី អ្នកធ្វើគោលនយោបាយក្នុងតំបន់, បណ្ឌិតសភា, អ្នកស្រាវជ្រាវ, អ្នកជំនួញ, និងសកម្មជនសង្គមស៊ីវិលសំខានៗនៅក្នុងតំបន់ និងការអភិវឌ្ឍភូមិសាស្រ្តនយោបាយ។ ការបញ្ចេញនៃរបកគំហើញនេះបានកើតឡើងចំពេលជាមួយគ្នា ដែលមានការប្រជុំនៃរដ្ឋមន្ត្រីក្រសួងការបរទេសអាស៊ាននៅទីក្រុងភ្នំពេញនៅថ្ងៃពុធ និងព្រហស្បតិ៍ ដើម្បីលើកឡើងពីវិបត្តិនៅមីយ៉ាន់ម៉ា ដែលពួកយោធាបានបណ្តេញរដ្ឋាភិបាលស៊ីវ៊ិលដោយរដ្ឋប្រហារកាលពីខែកុម្ភៈ ឆ្នាំ២០២១។

ការស្ទាបស្ទង់មតិបានបង្ហាញថា ៣៧% នៃអ្នកឆ្លើយចំនួន១,៦៧៧នាក់ បានយល់ព្រមនូវចម្លើយរបស់អាស៊ានចំពោះវិបត្តិ ខណៈដែល៣៣% មិនយល់ព្រមនិង៣០% អព្យាក្រិត។ បន្ទាប់ពីលោកស្រី អូងសាន ស៊ូជី ដែលជាប្រធានគណបក្សសម្ព័ន្ធជាតិ ដើម្បីលទ្ធិប្រជាធិបតេយ្យ (NLD) ត្រូវបានជំនួសដោយប្រធានក្រុមប្រឹក្សារដ្ឋ ដែលដឹកនាំដោយលោកឧត្តមសេនី៍ មីងអូងលាំង អាស៊ានបានដាក់សម្ពាធឲ្យមានកិច្ចសន្ទនាក្នុងន័យស្ថាបនាមួយក្នុងចំណោមភាគីទាំងអស់ ដែលពាក់ព័ន្ធ ដើម្បីដោះស្រាយវិបត្តិនេះ ដោយបោះជំហ៊ានដោយក្លាហាន ខណៈដែលមិនបោះបង់ចោលគោលការណ៍ដ៏ពិសិដ្ឋរបស់ខ្លួនក្នុងការមិនជ្រៀតជ្រែកចូលក្នុងកិច្ចការផ្ទៃក្នុងផង។

នៅក្នុងកិច្ចប្រជុំមេដឹកនាំកំពូលប្រចាំឆ្នាំកាលពីឆ្នាំមុន អាស៊ានបានចាត់វិធានការណ៍ដែលពុំដែលមានពីមុនមក រារាំងឧត្តមសេនីយ៍ មីងអូងលាំង និងទម្លាក់ឋានៈមីយ៉ាន់ម៉ាទៅឲ្យតំណាង ដែលមិនពាក់ព័ន្ធក្នុងរឿងនយោបាយឲ្យចូលប្រជុំ។ ទោះជាយ៉ាងណា អាស៊ានក៏មិនបានយកឈ្នះនិងទទួលបាននូវការធ្វើសម្បទាន ពីពួកយោធាដែលនៅតែបន្តរារាំង និងដាក់កំរិតក្នុងការអនុញ្ញាតឲ្យមានការចូលជួបជាមួយអ្នកស្រី អូងសាន ស៊ូជី និងសមាជិកដែលត្រូវបានឃុំខ្លួន៕