ខេត្តកំពង់ចាម៖ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សខេត្ត ក្នុងពិធីសម្ភោធសមិទ្ធផលថ្មី នៅទីអារាម វត្តបុទមរ័ត្នមានជ័យ នាព្រឹកថ្ងៃសៅរ៍ ទី១២ ខែកុម្ភៈ ឆ្នាំ២០២២ មានប្រសាសន៍ថា វិស័យពុទ្ធចក្ររីកចម្រើនបាន គឺអាស្រ័យដោយយើងទាំងអស់គ្នាចូលរួមជាមួយរាជរដ្ឋាភិបាលថែរក្សាបាននូវសុខសន្តិភាព និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា ក្រោមការដឹកនាំរបស់គណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រធាន។
សូមបញ្ជាក់ថា វត្តអារាមក្នុងវិស័យពុទ្ធសាសនា នៅទូទាំងខេត្តកំពង់ចាម មានចំនួន ៣៧៨វត្ត និងមានអាស្រមចំនួន៧ ហើយសមិទ្ធផលដែលកើតចេញពីសទ្ធាជ្រះថ្លារបស់ពុទ្ធបរិស័ទរួមមាន៖ ក្លោងទ្វារ ផ្លូវបេតុ ពុទ្ធរូប ក្នុងទីអារាមវត្ត បុទមរ័ត្នមានជ័យ ស្ថិតក្នុងភូមិច្រកភ្នំ ឃុំគោករវៀង ស្រុកជើងព្រៃ ខេត្តកំពង់ចាម ត្រូវបានដាក់សម្ពាធឱ្យប្រើប្រាស់ជាផ្លូវការ ក្រោមអធិបតីភាពឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធានគណៈកម្មាធិការគណបក្សខេត្ត និងឯកឧត្តម ខ្លូត ផន សមាជិកគណៈកម្មាធិការកណ្តាលគណបក្សប្រជាជនកម្ពុជា អនុប្រធានប្រចាំការគណៈកម្មាធិការគណបក្សខេត្ត ដោយមានការចូលរួមពីសំណាក់ថ្នាក់ដឹកនាំ មន្ត្រីរាជការ ក្នុងខេត្ត និងពុទ្ធបរិស័ទច្រើនកុះករ៕
