Theguardian-

អ៊ុយក្រែននឹងទទួលខុសត្រូវចំពោះការបំផ្លាញខ្លួនឯង បើសិនជាខ្លួនគាស់រំលើងនូវកិច្ចព្រមព្រៀងសន្តិភាពដែលមានរួចមកហើយ អ្នកការទូតជាន់ខ្ពស់រុស្សីបានព្រមាននៅឯកិច្ចពិភាក្សារប្តូរយោបល់លើវិបត្តិ ដែលកើតមានក្នុងសម័យប្រជុំក្រុមប្រឹក្សាសន្តិសុខអង្គការសហប្រជាជាតិ។ ការព្រមានពីលោក Vasily Nebenzya តំណាងអចិន្ត្រៃយ៍របស់រុស្សីប្រចាំនៅ UN ក្នុងអម្លុងពេលសម័យប្រជុំនៃក្រុមប្រឹក្សាដ៏ស្រួចស្រាវ បានលេចចេញមកចំថ្ងៃដែលត្រូវបន្តនូវកិច្ចការទូតជាន់ខ្ពស់ដែលមានគោលបំណងបន្ធូរវិបត្តិនៅអ៊ុយក្រែន។

ក្រសួងការបរទេសអាមេរិកបានបញ្ជាក់ថា ខ្លួនបានទទួលចម្លើយមួយពីទីក្រុងមូស្គូ អំពីឯកសារដែលអាមេរិកបានបញ្ជូនទៅឲ្យទីក្រុងមូស្គូកាលពីថ្ងៃអាទិត្យ ដែលបានគូសបញ្ជាក់ជាផ្លូវការនូវទីកន្លែងដែលដែលរដ្ឋការលោក Biden ជឿជាក់ថា ប្រទេសទាំង២អាចនឹងរកឃើញនូវហេតុផលរួម។ មន្ត្រីអាមេរិកមិនបានបញ្ចេញនូវមាតិការនៃលិខិតរបស់រុស្សីទេ តែបាននិយាយថា ពួកគេនឹងមិនជជែកជាសាធារណៈនោះទេ។

រដ្ឋមន្ត្រីក្រសួងការបរទេស Antony Blinken និងសមភាគីរុស្សីរបស់លោក Sergei Lavrov និងជួបជជែកគ្នានៅថ្ងៃអង្គារ៍ អំពីសំបុត្ររបស់រុរស្សី និងសម័យប្រជុំនៃក្រុមប្រឹក្សាសន្តិសុខ។ ទន្ទឹមគ្នានោះដែរនៅថ្ងៃច័ន្ទ លោក Vladimir Putin បានជជែកជាមួយនិង Emmanuel Macron នៅក្នុងការសន្ទនាជាលើកទី២តាមទូរស័ព្ទរវាងមេដឹកនាំរុស្សី និងបារាំងចាប់តាំងពីថ្ងៃសុក្រ។ "មេដឹកនាំទាំង២បានយល់ព្រមនឹងបន្តនូវទំនាក់ទំនងតាមទូរស័ព្ទ និងជំរុញឲ្យមានការពិចារណាទៅលើលទ្ធភាពក្នុងការជួបគ្នាដោយផ្ទាល់" វិមានក្រឹមឡាំងបាននិយាយនៅក្នុងសេចក្តីថ្លែងការណ៍។

សម័យប្រជុំនៃក្រុមប្រឹក្សាសន្តិសុខអ.ស.ប. កាលពីថ្ងៃច័ន្ទមិនបានធ្វើឲ្យមានការរួមតូចនៃការប្រះឆាដ៏ធំរវាងរុស្សី និងបស្ចឹមប្រទេសនោះទេ។ ប៉ុន្តែបានផ្តល់នូវការសាកល្បងនៃកម្លាំងការទូតនៅលើឆាកសាកលលោក។ Nebenzya បានចាប់ផ្តើមការប្រជុំដោយចំអកនិងមើលងាយអំណះអំណាងរបស់លោកខាងលិច អំពីផែនការឈ្លានពានរបស់រុស្សីថា ជាការច្រឡោតខឹងនិងបានបន្ទោសអ៊ុយក្រែនថាមិនបានអនុវត្តតាមកិច្ចព្រមព្រៀងទីក្រុង Minsk នៃឆ្នាំ២០១៤-១៥ ដែលមានគោលបំណងបញ្ចប់នូវទំនាស់រវាងរដ្ឋាភិបាលទីក្រុង Kyiv និងក្រុមបំបែករដ្ឋដែលគាំទ្រដោយរុស្សី៕