Reuters-

ក្រសួងការបរទេសសហរដ្ឋអាមេរិកបានប្រកាសកាលពីថ្ងៃអាទិត្យថា ខ្លួនបានបញ្ជាឲ្យសមាជិកក្រុមគ្រួសារអ្នកការទូតចាកចេញពីអ៊ុយក្រែន ខណៈដែលលោកប្រធានាធិបតី Joe-Biden បានធ្វើការថ្លឹងថ្លែងពីជម្រើសក្នុងការបង្កើននូវកម្មសិទ្ធយោធាអាមេរិកនៅក្នុងអឺរ៉ុបខាងកើត ដើម្បីប្រឆាំងទៅនឹងការបង្កើនកងទ័ពរុស្សី។ បទបញ្ជា ដែលអនុញ្ញាតផងដែរឲ្យអ្នកការទូតអាមេរិកស្នាក់នៅក្នុងស្ថានទូតក្នុងរដ្ឋធានី Kyiv នៃប្រទេសអ៊ុយក្រែនចាកចេញដោយស្ម័គ្រចិត្ត វាជាសញ្ញាមួយច្បាស់លាស់ថា មន្ត្រីអាមេរិកមានជំនឿថានឹងមានការឈ្លានពានមួយដោយរុស្សីនៅក្នុងតំបន់។

“សកម្មភាពយោធារបស់រុស្សីនឹងកើតមានឡើងក្នុងពេលណាមួយ” ស្ថានទូតអាមេរិកបាននិយាយនៅក្នុងសេចក្តីថ្លែងការណ៍មួយ។ មន្ត្រីបានបន្ថែមថា “ការជំលៀសជនជាតិអាមេរិកចេញ វានឹងមិនស្ថិតនៅក្នុងស្ថានភាពមានអាសន្នដូចនេះទេ ដូច្នេះពលរដ្ឋអាមេរិកបច្ចុប្បន្នដែលមានវត្តមាននៅក្នុងអ៊ុយក្រែនគួរតែមានផែនការតាមជាក់ស្តែង”។ ភាពតានតឹងនៅក្នុងអ៊ុយក្រែនបានកើនឡើងអស់រយៈពេលជាច្រើនខែ បន្ទាប់ពីទីក្រុងក្រឹមឡាំងបានប្រមូលផ្តុំទាហ៊ានប្រហែលជាង ១០០,០០០នាក់នៅជិតព្រំប្រទល់អ៊ុយក្រែន ដែលបស្ចឹមប្រទេសបាននិយាយថា គឺជាការរៀបចំសង្រ្គាមមួយដើម្បីរារាំងកុំឲ្យអ៊ុយក្រែនចូលរួមជាមួយសម្ព័ន្ធមិត្ត NATO ។

សេចក្តីប្រកាសរបស់ក្រសួងការបរទេសបានចេញមក១ថ្ងៃ បន្ទាប់ពីអាជ្ញាធរអង់គ្លេសបាននិយាយថា គេមានព័ត៌មានថារដ្ឋាភិបាលរុស្សី បានកំពុងពិចារណាអតីតសមាជិកសភាម្នាក់អាចជាបេក្ខជនមេដឹកនាំដែលនិយមរុស្សីក្នុងទីក្រុង Kyiv ។ ក្រសួងការបរទេសរុស្សីបានច្រានចោលនូវការចោទប្រកាន់របស់អង់គ្លេសថាជាព័ត៌មានមិនពិត និងបានចោទប្រកាន់ NATO ថាបានបង្កើតនូវភាពតានតឹងលើរឿងអ៊ុយក្រែន។

Biden បានចាប់ផ្តើមពិចារណានូវជំរើសក្នុងការបង្កើនកម្មសិទ្ធអាមេរិកនៅក្នុងតំបន់ មន្ត្រីជាន់ខ្ពស់អាមេរិកបាននិយាយ បន្ទាប់ពីបានជួបជាមួយជំនួយការសន្តិសុខជាតិនៅក្នុង Camp David កាលពីថ្ងៃអាទិត្យ។ កាសែត New York Times បាននិយាយថា Biden បានរៀបចំផែនការក្នុងការបញ្ជូនទ័ពពី ១,០០០ ទៅ ៥,០០០នាក់ ទៅប្រទេសអឺរ៉ុបខាងកើត ជាមួយនឹងលទ្ធភាពបង្កើនចំនួនម្តងបន្តិចក្នុងករណីកំដៅឡើងបន្តទៅទៀត៕