Aljazeera-

អាល្លឺម៉ង់មានផែនការផ្តល់ការសម្រួលផ្នែកវេជ្ជសាស្ត្រទៅកាន់អ៊ុយក្រែននាខែក្រោយ ប៉ុន្តែនៅបន្តបដិសេធក្នុងការផ្ទេរអាវុធ ទោះបីជាមានការព្រួយបារម្ភពីការឈ្លានពានរបស់រុស្សី។ ក្នុងខែកុម្ភះ “មន្ទីរពេទ្យនៅតាមសមរភូមិនឹងត្រូវប្រគល់ឲ្យអ៊ុយក្រែន រួមបញ្ចូលទាំងការហ្វឹកហ្វឺនដ៏ចាំបាច់ ដែលនឹងផ្គត់ផ្គង់ជាហិរញ្ញវត្ថុដោយអាល្លឺម៉ង់ដែលមានចំនួនទឹកប្រាក់ចំនួន ៥,៣ លានអឺរ៉ូ រដ្ឋមន្ត្រីក្រសួងការពារជាតិអាល្លឺម៉ង់ Christine Lambrech បានប្រាប់កាសែត Die Welt កាលពីថ្ងៃអាទិត្យ។

អាល្លឺម៉ង់បានផ្តល់រួចមកហើយ នូវសម្ភារៈដូចជាម៉ាស៊ីនដកដង្ហើម និងការព្យាបាលចំពោះទាហ៊ានអ៊ុយក្រែន ដែលរងរបួសធ្ងន់ធ្ងរនូវមន្ទីរពេទ្យយោធាអស់ជាច្រើនឆ្នាំមកហើយ លោករដ្ឋមន្ត្រីបាននិយាយ។ Lambrech បាននិយាយថា រដ្ឋាភិបាលអាល្លឺម៉ង់នឹងធ្វើអ្វីគ្រប់យ៉ាងនៅក្នុងអំណាចរបស់ខ្លួន ដើម្បីកាត់បន្ថយនូវវិបត្តិជាមួយរុស្សី, ទោះជាយ៉ាងណាក៏ដោយ ការផ្ទេរអាវុធទៅកាន់អ៊ុយក្រែនមិនមែនជាជម្រើសទេ។ "ការផ្តល់នូវសព្វាវុធមិនអាចជួយអ្វីបានទេ ក្នុងពេលនេះ នេះគឺជាការសម្រេចកុងសង់ស៊ីសរបស់រដ្ឋាភិបាលសហព័ន្ធ"។

អ៊ុយក្រែនម្តងទៀតបានសុំជំនួយក្នុងវិស័យការពារជាតិ ដោយបាននិយាយថា “ជំនួយដែលត្រូវការបន្ទាន់គឺមួកសុវត្តិភាពសំរាប់យោធា ចំនួន ១០០,០០០ និងអាវក្រោះសំរាប់យោធាស្ម័គ្រចិត្តដែលទើបនឹងចូល ដើម្បីការពារមាតុភូមិរបស់ពួកគេទាំងអស់គ្នាជាមួយនិងកងទ័ព” ឯកអគ្គរដ្ឋទូតអ៊ុយក្រែនប្រចាំនៅអាល្លឺម៉ង់ Andrij Melnyk បានប្រាប់កាសែត Handels -blatt កាលពីថ្ងៃសៅរ៍។ "ភាពប្រាកដប្រជានៃស្ថានការណ៍វាទាមទារនូការគិតឡើងវិញភ្លាមៗ និងផ្លាស់ប្តូរនូវទិសដៅពីរដ្ឋាភិបាលអាល្លឺម៉ង់នៅលើរឿងផ្ទេរអាវុធទៅឲ្យអ៊ុយក្រែន" Melnyk ត្រូវបានគេដកស្រង់សំដី។

ទីក្រុង Kyiv នឹងមិនបញ្ឈប់នូវការធ្វើឲ្យរដ្ឋាភិបាលអាល្លឺម៉ង់ និងគណបក្សប្រឆាំងក្នុងការផ្ទេរអាវុធការពារខ្លួនទៅឲ្យអ៊ុយក្រែននោះទេ លោកបន្ថែម។ ទន្ទឹមគ្នានេះដែរ ការដឹកជញ្ជូនលើកទី១តាមនាវារបស់សហរដ្ឋអាមេរិកនូវកញ្ចប់សំរាប់ការផ្គត់ផ្គង់ផ្នែកសន្តិសុខ ដែលមានទឹកប្រាក់ចំនួន ២០០លានដុល្លារ សំរាប់អ៊ុយក្រែន បានទៅដល់ទីក្រុង Kyiv កាលពីថ្ងៃសៅរ៍ ស្ថានទូតអាមេរិកបាននិយាយ។ ប្រជាជាតិនៃរដ្ឋ បាល់ទិក Estonia, Latvia, Lithuania នឹងបញ្ជូនមីស៊ីលប្រឆាំងរថក្រោះ និងប្រឆាំងយន្តហោះដែលផលិតនៅសហរដ្ឋអាមេរិកទៅកាន់អ៊ុយក្រែន។

រុស្សីកាលពីអាទិត្យមុនបានពិពណ៌នាថា ការផ្គត់ផ្គង់អាវុធពីលោកខាងលិចទៅឲ្យអ៊ុយក្រែនជារឿងមួយគ្រោះថ្នាក់បំផុត ដោយបានបន្ថែមថាទង្វើរនេះមិនបានកាត់បន្ថយជួយកាត់បន្ថយនូវភាពតឹងតែងនោះទេ៕