រាជធានីភ្នំពេញ៖ នៅថ្ងៃទី១៩ ខែមករា ឆ្នាំ២០២២ វេលាម៉ោង១៧ និង១០នាទី នៅចំណុចផ្លូវលំ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ  កម្លាំងនគរបាលប៉ុស្តិ៍ចាក់អង្រែក្រោម បានចាប់ខ្លួនជនសង្ស័យម្នាក់ឈ្មោះ ប្រាក់ សុផារ៉ាត់ ហៅ សី ភេទប្រុស អាយុ៣៥ឆ្នាំ ជនជាតិខ្មែរ ទីលំនៅផ្ទះលេខ១៣៧៧  ផ្លូវជាតិលេខ២ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ មុខរបរមិនពិតប្រាកដ (មានផ្ទុកសារធាតុញៀនក្នុងទឹកនោម) តាមដីកាបង្គាប់ឲ្យចាប់ខ្លួន និងឃុំខ្លួន លេខ៤៣១ «ព» ដ.ច.ន ចុះថ្ងៃទី១៧ ខែមិថុនា ឆ្នាំ២០២១ ចេញដោយលោក ម៉ៅ ស៊ីណា ចៅក្រមជំនុំជម្រះនៃសាលាដំបូង រាជធានីភ្នំពេញ ពីបទហិង្សាដោយចេតនា មានស្ថានទម្ងន់ទោស ប្រព្រឹត្តនៅចំណុចបន្ទប់ជួលលេខ១១៧៧ ផ្លូវលំ ក្រុមទី៤ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី០២ ខែកញ្ញា ឆ្នាំ២០១៩។ ជនសង្ស័យឈ្មោះ ប្រាក់ សុផារ៉ាត់ ហៅ សី ភេទប្រុស អាយុ៣៥ឆ្នាំ ជនជាតិខ្មែរ ទីលំនៅផ្ទះលេខ១៣៧៧ ផ្លូវជាតិលេខ២ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ 

បច្ចុប្បន្នជនសង្ស័យឈ្មោះ ប្រាក់ សុផារ៉ាត់ ហៅ សី ឃាត់ខ្លួននៅអធិការដ្ឋាននគរបាល ខណ្ឌមានជ័យ ដើម្បីចាត់ការតាមនីតិវិធី៕