Washington AP-

លោកប្រធានាធិបតី Joe-Biden បានប្រមូលផ្តុំសម្ព័ន្ធមិត្តអ៉ឺរ៉ុបរួបរួមគ្នាតែ១ ថាពួកគេនឹងចាត់វិធានការប្រឆាំងនឹងរុស្សី បើសិនជារុស្សីរុញទ័ពចូលទៅក្នុងអ៊យក្រែន ប៉ុន្តែបើសិនជាច្បាស់ថា អាមេរិកនិងអឺរ៉ុបមានបំណងត្រូវធ្វើអ្វីមួយ សម្ព័ន្ធមិត្តដូចជាមិនសូវរួបរួមគ្នាទេ។ ជាឧទាហរណ៍ ផ្នែកយោធាសហរដ្ឋអាមេរិក ទួរគី អង់គ្លេសបានក្រោកឈរក្នុងការផ្តត់ផ្គង់ឬក៏យល់ព្រមក្នុងការផ្គត់ផ្គង់ មីស៊ីលប្រឆាំងនឹងរថក្រោះ ដ្រូនចម្បាំង នាវាចម្បាំងនិងអាវុធផ្សេងទៀត ជមួយនឹងថវិការដើម្បីជួយអ៊ុយក្រែនស្ថាបនាកិច្ចការពារជាតិរបស់ខ្លួន ។

ប៉ុន្តែសម្ព័ន្ធមិត្តដ៏សំខាន់ អាល្លឺម៉ង់ហាក់ដូចជាមិនពេញចិត្តក្នុងផ្តល់នូវជំនួយយោធាដោយត្រង់ ច្រើនជាងនេះទៅទៀតគឺថាអង់គ្លេសដែលដឹកជញ្ជូនអាវុធដោយយន្តហោះទៅកាន់អ៊ុយក្រែនកាលពីថ្ងៃច័ន្ទ បានហោះវាងលំហរអាកាសអាល្លីម៉ង់ ដោយមិនបានហោះកាត់ដែនអាកាសអាល្លឺម៉ង់ទេ។ ខណៈដែល Biden បានព្រមានប្រធានាធិបតីរុស្សី Vladimir Putin អំពីផលវិបាកសេដ្ឋកិច្ច "ដែលនឹងមិនដែលឃើញពីមុនមក" បើសិនជារុស្សីឈ្លានពានអ៊ុយក្រែន។

សម្ព័ន្ធមិត្តយោធាធំៗខ្លះរបស់អឺរ៉ុប បានចង្អុលបង្ហាញនូវការរុញរាចំពោះអ្វី ដែលអាចខូចខាតដល់សេដ្ឋកិច្ចអឺរ៉ុបខ្លះឬក៏ធ្វើឲ្យមានគ្រោះថ្នាក់ដល់ប្រទេសអឺរ៉ុបខ្លះដែលត្រូវការឧស្ម័នរុស្សី ដើម្បីរក្សារកំដៅក្នុងរដូវរងារ។ មេដឹកនាំសហគមន៍អឺរ៉ុបឃើញរុស្សីកំពុងព្យាយាមសាបព្រួសនូវជំលោះក្នុងចំណោម២៧ប្រទេសក្នងអឺរ៉ុប សហរដ្ឋអាមេរិកនិង NATO ។ សប្តាហ៍មុន ពួកគេបានសាទរខ្លួនឯងក្នុងការដែលបានជៀសផុតពីអន្ទាក់នេះ។

"សហរដ្ឋអាមេរិកមិនលេងល្បែងរបស់រុស្សីទេ" ប្រធានកិច្ចការបរទេសអឺរ៉ុប Joseph Borell បាននិយាយ “រុស្សីចង់បំបែកយើង តែគេបរាជ័យ”។ យ៉ាងហោចណាស់ជាពាក្យសំដី ការរៀបចំសម្ព័ន្ធអឺរ៉ុបនៅពីក្រោយការដឹកនាំរបស់អាមេរិកជាជោគជ័យនៃនយោបាយការបរទេសសំរាប់រដ្ឋការ Joe- Biden បន្ទាប់ពីបានដឹកនាំសព័ន្ធមិត្តក្នុងពិភពលោកក្នុងការដកទ័ពចេញពីអហ្វហ្គានីស្ថាន។

ការងាររបស់អាមេរិកក្នុងការវាយដែកគោលភ្ជាប់ការប្តេជ្ញាចិត្តរបស់អឺរ៉ុបប្រឆាំនឹងរុស្សី បើសិនជាហ៊ានវាយប្រហារអ៊ុយក្រែននឹងបន្ត សមាជិកព្រឺទ្ធសភា Crist Murphy អ្នកតំណាងរាស្ត្សមកពីរដ្ឋ Connecticut នៃគណបក្សប្រជាធិបតេយ្យដែលបានធ្វើដំណើរជាមួយសមាជិកព្រឹទ្ធសភាមកពីគណបក្សសាធារណរដ្ឋ និងប្រជាធិបតេយ្យទៅកាន់ទីក្រុង Kyiv ដើម្បីជួបជាមួយមេដឹកនាំអ៊ុយក្រែនកាលពីសប្តាហ៍មុន៕