ភ្នំពេញ៖ បុរសម្នាក់ត្រូវបានសមត្ថកិច្ចនគរបាលប៉ុស្តិ៍ជើងឯក នៃអធិការដ្ឋាននគរបាលខណ្ឌដង្កោ ចាប់ឃាត់ខ្លួនពាក់ព័ន្ធករណីលួចមានស្ថានទម្ងន់ទោស (ធាក់ផ្តួលយកម៉ូតូ) នៅថ្ងៃទី១៦ ខែមករា ឆ្នាំ២០២២ វេលាម៉ោង ២១ និង ៣០នាទី ត្រង់ចំណុចច្រកចូលស្ថានីយ៍វិទ្យុ ABC ផ្លូវបេតុង ស្ថិតនៅភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ។

ជនរងគ្រោះឈ្មោះ ម៉ុត សារុំ ភេទប្រុស អាយុ៣០ឆ្នាំ ជនជាតិខ្មែរ មុខរបរបុគ្គលិកក្រុមហ៊ុន ទីលំនៅផ្ទះលេខ៨៧ ផ្លូវលេខ០៥ ភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។ ជនសង្ស័យឈ្មោះ មិត្ត ដេត ហៅ ម៉ៅ ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករ ឃ្លាំងផ្ទុកអ៊ីវ៉ាន់ ភោជនីយដ្ឋានទន្លេបាសាក់ ស្នាក់នៅក្នុងឃ្លាំងស្តុកអីវ៉ាន់ ភោជនីយដ្ឋានទន្លេបាសាក់ ស្ថិតនៅភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ (ជនសង្ស័យគ្មានសារធាតុញៀន)។ 

វត្ថុតាងចាប់យក ៖ ម៉ូតូម៉ាកហុងដាឃ្លីក ពណ៌ស ពាក់ផ្លាកលេខភ្នំពេញ 1FE-6661 (ម៉ូតូរបស់ជនរងគ្រោះ)។ 

បច្ចុប្បន្នជនសង្ស័យត្រូវបានសមត្ថកិច្ចនគរបាលខណ្ឌ កសាងសំណុំរឿង អនុវត្តបន្តតាមនីតិវិធី។ ចំណែកម៉ូតូបានប្រគល់ជូនជនរងគ្រោះវិញ៕