ប្រសិនបើអ្នកជាមនុស្សដែលចូលចិត្តផឹកកាហ្វេ ហើយធុញទ្រាំនឹងកន្លែងដដែល ដែលអ្នកតែងតែទៅនៅក្នុងទីក្រុងនោះ ឥឡូវនេះអ្នកប្រាកដមានជម្រើសដ៏ថ្មីស្រឡាងមួយហើយ។
កន្លែងដែលស្ថិតនៅក្នុងចម្ងាយ 8 គីឡូម៉ែត្រនៃឧទ្យានជាតិកែប ហាង Led Zep Cafe ដែលគេស្គាល់ថាជា កាហ្វេលើភ្នំ បានផ្តល់នូវកន្លែងមួយដែលមានទេសភាពដ៏ស្រស់ត្រកាល និងបរិយាកាសបែបស្ងប់ស្ងាត់ ហើយអ្វីដែលរឹតតែពិសេសទៀតនោះគឺ កាហ្វេដ៏ឈ្ងុយឆ្ងាញ់នឹងតែម្តង។
ហាងកាហ្វេនេះ ត្រូវបានបើកដំណើរការក្នុងឆ្នាំ 2005។ ប៉ុន្តែក្នុងរយៈពេលប៉ុន្មានឆ្នាំដំបូង អតិថិជន 90 ភាគរយ គឺជាអ្នកទេសចរបរទេសដែលបានឮអំពីហាងកាហ្វេពីការផ្សព្វផ្សាយតាមអ៊ីនធឺណិតដូចជា “TripAdvisor” ។
ប៉ុន្តែនៅប៉ុន្មានឆ្នាំចុងក្រោយមកនេះ ហាងកាហ្វេនេះទទួលបានចំណាប់អារម្មណ៍ពីអ្នកទេសចរក្នុងស្រុកផងដែរ ដោយសារតែប្រព័ន្ធផ្សព្វផ្សាយសង្គម ដែលធ្វើឲ្យការមកទស្សនារបស់ភ្ញៀវជាតិ និងអន្តរជាតិមានសមាមាត្រស្មើគ្នា។
Led Zep Cafe ស្ថិតនៅចំងាយប្រហែល 300m ពីច្រកចូលឧទ្យានជាតិកែប។ ឧទ្យាននេះស្ថិតនៅខាងក្រោយរមណីយដ្ឋានធម្មជាតិ Veranda ចម្ងាយប្រហែល 7.6km ពីរង្វង់មូលសេះស ក្នុងក្រុងកែប៕
