Bangkok-

គណៈរដ្ឋមន្ត្រីថៃបានគាំទ្រផែនការមួយ ដើម្បីទិញយន្តហោះប្រយុទ្ធ៤គ្រឿង ដែលនឹងចាប់ផ្តើមនៅក្នុងឆ្នាំសារពើពន្ធក្រោយ, អ្នកនាំពាក្យកងទ័ពអាកាសបាននិយាយថា ជាមួយនឹងថវិការទាំងអស់ដែលមានចំនួន ១៣.៨ពាន់លានបាត (413.67លានដុល្លារ) បានទុកមួយដុំ ដើម្បីទិញយន្តហោះនេះ។ ការអនុម័ត្តនេះបន្ទាប់ពីមានការបញ្ជាក់ជាថ្មីនូវចំណាប់អារម្មណ៍ដោយមេបញ្ជាការកងទ័ពអាកាស Nopadej Dhupatemiya ក្នុងការទិញ យន្តហោះប្រយុទ្ធ F-35 ពីក្រុមហ៊ុន Lockheed Martin នៃសហរដ្ឋអាមេរិក។

គណៈរដ្ឋមន្ត្រីបានអនុម័ត និងយល់ព្រមលើថវិការសំរាប៤ឆ្នាំ ដែលនឹងចាប់ផ្តើមនៅឆ្នាំក្រោយ ដើម្បីផ្លាស់ប្តូរយន្តហោះរបស់ប្រទេសដែលមានវ័យចំណាស់ និងត្រូវចូលនិវត្តិន៍ F-16 ,អ្នកនាំពាក្យកងទ័ពអាកាស Prada’s Sornchaidee បានប្រាប់អ្នកយកព័ត៌មាន។ លោក Nopadej កាលពីខែមុនបានបញ្ជាក់នូវការពេញចិត្តចំពោះយន្តហោះបំបាំងកាយជំនាន់ទី៥ F-35 ពីព្រោះតម្លៃរបស់វាបានធ្លាក់ចុះ បន្ទាប់ពីបានចូលមកដល់ទីផ្សារជាលើកដំបូង។ ពីដំបូង F-35 A មានតម្លៃ $221លាន ក្នុងឆ្នាំ២០០៧ ប៉ុន្តែនៅពេលដែលគណភាពផលិតកម្មនិងចំណេះធ្វើបានកើនឡើង តម្លៃបានធ្លាក់ចុះមកត្រឹមតែ $79 លាន ក្នុងខែកក្កដា ឆ្នាំមុនធ្វើឲ្យចំនួនអ្នកបញ្ជាទិញច្រើនជាង១២ប្រទេស។

អ្នកនាំពាក្យកងទ័ពអាកាសលោក Prada’s បាននិយាយថា ប្រភេទយន្តហោះដែលត្រូវទិញនេះត្រូវបានសម្រេចដោយគណៈកម្មាធិការ២ជាមួយនឹងការគណនាប្រៀបធៀបនៃតម្លៃសមរម្យទៅនឹងយន្តហោះផ្សេងទៀត។ ថៃបច្ចុប្បន្នមានយន្តហោះប្រយុទ្ធ Jas-39 Gripen ចំនួន១២គ្រឿង ដែលផលិតនៅស៊ុយអែដ និងមានជាង២០គ្រឿងនៃយន្តហោះប្រយុទ្ធ F-16 និង F-5 ដែលយន្តហោះទាំងនេះបានប្រើប្រាស់តាំងពីទសវត្យរ៍ឆ្នាំ៨០។ សេចក្តីសំរេចនេះបានចូលទៅដល់កិច្ចប្រជុំគណរដ្ឋមន្ត្រីក្នុងថ្ងៃនេះ ហើយសំណើរសុំត្រូវបានដាក់ចូលទៅក្នុងស្រោមសំបុត្រមួយដោយមានប្រថាប់ត្រា ដាក់ថាអាថ៌កំបាំង។

កងយន្តហោះដែលមានគម្រោងនឹងបញ្ជាទិញរហូតដល់៨គ្រឿងនេះ នឹងយកមកជំនួសកងប្រយុទ្ធអាកាស F-16 ADF ដែលនឹងត្រូវដកចេញឲ្យចូលនិវត្តិន៍ពីក្រុមទី១នៅក្នុងខេត្តនគររាជសីមាក្នុងឆ្នាំ២០២១។ ប្រភពនៃកងទ័ពអាកាសបាននិយាយកាលពីថ្ងៃអង្គារ៍ មុនពេលដែលមានការប្រជុំគណរដ្ឋមន្ត្រីដែលបានចេញផ្សាយលំអិតជាសាធារណៈនៃសេចក្តីសម្រេចនេះ៕