អាហារដែលអាចបង្កើនហានិភ័យនៃជំងឺមហារីកប្រភេទផ្សេងៗ រួមទាំងមហារីកសុដន់រួមមាន:

គ្រឿងស្រវឹង

ការសិក្សាបានរកឃើញ ការផឹកស្រាជាប្រចាំ អាចបង្កើនហានិភ័យនៃជំងឺមហារីកសុដន់បាន។ Breastcancer.org បានរាយការណ៍ថា គ្រឿងស្រវឹងអាចបង្កើនកម្រិតអរម៉ូនអ៊ឹស្ត្រូសែន និងបណ្តាលឱ្យការប៉ះពាល់ដល់ DNA ។ ពួកគេក៏បានកត់សម្គាល់ផងដែរថា ស្ត្រីដែលផឹកភេសជ្ជៈមានជាតិអាល់កុលបីដងក្នុងមួយសប្តាហ៍ អាចបង្កើនហានិភ័យនៃការវិវត្តទៅជាជំងឺមហារីកសុដន់ 15% ។

ស្ករ

នៅក្នុងការស្រាវជ្រាវពីឆ្នាំ 2016 សត្វកណ្ដុរដែលបានស៊ីអាហារសម្បូរជាតិស្ករជាប្រចាំនៅសហរដ្ឋអាមេរិក ទំនងជានឹងវិវត្តទៅជាដុំសាច់ក្រពេញទឹកដោះ ដែលស្រដៀងនឹងជំងឺមហារីកសុដន់ចំពោះមនុស្ស។

ខ្លាញ់

ខ្លាញ់ Trans Fat គឺជាប្រភេទខ្លាញ់ ដែលជាធម្មតានៅក្នុងអាហារកែច្នៃ និងអាហារផលិតទុកជាមុន។ អ្នកវិទ្យាសាស្ត្រ បាននិយាយថា វាអាចបង្កហានិភ័យខ្ពស់នៃជំងឺមហារីកសុដន់។ ខ្លាញ់ Trans Fat ភាគច្រើនមាននៅក្នុងអាហារកែច្នៃ ដូចជាអាហារចៀន នំដូណាត់ និងខូឃីកញ្ចប់ ឬនំផ្អែម។ អ្នកគួរតែកំណត់ការទទួលទានខ្លាញ់ trans fats ប្រសិនបើអាចធ្វើទៅបាន។

សាច់​ក្រហម

ការសិក្សាមួយចំនួនបានរកឃើញសាច់ក្រហម អាចបង្កើនហានិភ័យនៃជំងឺមហារីកសុដន់ ជាពិសេសប្រសិនបើមនុស្សម្នាក់ចម្អិនសាច់នៅសីតុណ្ហភាពខ្ពស់ ដែលអាចបង្កឱ្យមានការបញ្ចេញសារជាតិពុល។

លើសពីនេះទៅទៀត សាច់កែច្នៃ និងសាច់ក្រក ទំនងជាមានជាតិខ្លាញ់ អំបិល និងសារធាតុថែរក្សាច្រើន។ ទាំងនេះ អាចធ្វើឲ្យកើនឡើងហានិភ័យនៃជំងឺមហារីកសុដន់។ សរុបមក ការកាត់បន្ថយការទទួលទានអាហារកែច្នៃធ្វើឱ្យកាន់តែមានសុខភាពកាន់តែប្រសើរឡើងល្អ៕

អត្ថបទដកស្រង់ពី Danielle Dresden 

បកប្រែនិងកែសម្រួលដោយ Mr. Blue