បាត់ដំបង៖ នៅយប់ថ្ងៃទី១០ ខែមករា ឆ្នាំ២០២២ វេលាម៉ោង២០និង១០នាទី ត្រង់ចំណុចភូមិអន្លង់ក្រូច ឃុំបួរ ស្រុកភ្នំព្រឹក ខេត្តបាត់ដំបង កម្លាំងផ្នែកប្រឆាំងគ្រឿងញៀន សហការជាមួយកម្លាំងអន្តរាគមន៍ នៃអធិការដ្ឋាននគរបាលស្រុកភ្នំព្រឹក ដឹកនាំដោយលោកវរសេនីយ៍ទោ ហេង បារាំង អធិការនគរបាលស្រុក បានចុះល្បាតក្នងភូមិសាស្ត្រខាងលើ និងបង្រ្កាបករណី រក្សាទុក ជួញដូរ ចែកចាយដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង។

យោងតាមរបាយការណ៍របស់សមត្ថកិច្ច បានឲ្យដឹងថា ធ្វើការចាប់ឃាត់ខ្លួនជនសង្ស័យចំនួន ០១នាក់ ឈ្មោះ ស៊ឹម ផង់ ភេទប្រុស អាយុ៣៩ឆ្នាំ មានទីលំនៅភូមិអន្លង់ក្រូច ឃុំបួរ ស្រុកភ្នំព្រឹក ខេត្តបាត់ដំបង។ វត្ថុតាងចាប់យកបានរួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០២កញ្ចប់, ទូរស័ព្ទដៃចំនួន ០១គ្រឿង, ម៉ូតូចំនួន ០១គ្រឿង ម៉ាក Wave គ្មានអាវ។

បច្ចុប្បន្ន ជនសង្ស័យរួមនឹងវត្តុតាងត្រូវបានកម្លាំងនគរបាលស្រុក កសាងរៀបចំសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិ-ច្បាប់៕