ប៉ៃលិន៖ កម្លាំងការិយាល័យប្រឆាំងគ្រឿងញៀននៃស្នងការដ្ឋាន នគរបាលខេត្តប៉ៃលិន នារសៀលថ្ងៃទី១០ ខែមករា ឆ្នាំ២០២២នេះ បានបង្ក្រាបបានក្នុងករណីរក្សាទុកជួញដូរ និងប្រើប្រាស់នូវសារធាតុញៀនខុសច្បាប់ និងអនុវត្តដីកាបង្គាប់ឲ្យចាប់ខ្លួន កាលពីថ្ងៃទី០៦ ខែមករា ឆ្នាំ២០២២ នៅចំណុចផ្លូវវាងក្រុង ស្ថិតនៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន ដោយបានធ្វើការឃាត់ខ្លួនមនុស្ស ៤នាក់។

នៅថ្ងៃខែឆ្នាំដដែល លោក គឹម ម៉េង ចៅក្រមស៊ើបសួរនៃអយ្យការអមសាលាដំបូងខេត្តប៉ៃលិន បានចេញដីកាបង្គាប់ឲ្យឃុំខ្លួនជនត្រូវចោទទាំង ០៤នាក់ (ស្រី០២នាក់) មានសាវតាជាតិដូចខាងក្រោម ៖ ១- ឈ្មោះ ម៉ោក ចៀន (ប្តី) ភេទប្រុស អាយុ៥៩ឆ្នាំ មុខរបរមិនពិតប្រាកដ ជនជាតិខ្មែរ បច្ចុប្បន្នរស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន។ ២- ឈ្មោះ ស គន្ធា (ប្រពន្ធ) ភេទស្រី អាយុ៥៧ឆ្នាំ មុខរបរមិនពិតប្រាកដ ជនជាតិខ្មែរ បច្ចុប្បន្នរស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន។ ៣- ឈ្មោះ សឿន សុភីន (កូន) ភេទស្រី អាយុ២០ឆ្នាំ មុខរបរលក់ដូរ ជនជាតិខ្មែរ បច្ចុប្បន្ន រស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន។ ៤- ឈ្មោះ ស វិត ភេទប្រុស អាយុ៤៨ឆ្នាំ មុខរបរមិនពិតប្រាកដ ជនជាតិខ្មែរ បច្ចុប្បន្នរស់នៅ ភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន។

បច្ចុប្បន្នជនត្រូវចោទទាំង០៤នាក់ខាងលើ ត្រូវបានដាក់ឲ្យស្ថិតនៅក្រោមការពិនិត្យពីបទរក្សាទុក និងប្រើប្រាស់ដោយខុសច្បាប់នូវជួញដូរសារធាតុញៀន និងពីបទកាន់កាប់អាវុធឬ ដឹកជញ្ជូនអាវុធដោយគ្មានការអនុញ្ញាត៕